去旅行明明是開心事，但稍一不慎就會釀成滿腦子怨氣的經歷。事緣最近有一位港媽在 HK Express Facebook 專頁留言怒斥 HK Express 空姐因自己小朋友不關手機不關遊戲機，最後決定報警的事件有錯，更公開空姐名字作網絡公審。原 post 留言內容提到：「有位空中服務員叫 Lois 極度差。叫我小朋友關電話關遊戲機......當然合理我地當然有做......估唔到已經停好晒機拎好行李準備落機嘅時候佢無端端同我地講如果警告我地第三次就會報警。我即時反應係哦好呀。咁佢竟然去報警。我有落案number 17023XXX。我當然配合因為要報警嘅係 HK Express，累得要 Transit 嘅人很焦急。Hold 住全機唔落得。警察嚟到吾知做乜好......請問你點睇呢件事。我會去機管局詢問和投訴。」
【精選消息】
【精選消息】
HK Express 的回覆，當然只以官腔表示：「不好意思為您造成不便。麻煩您以 Facebook 私信提供訂票記錄編號（PNR）、訂票登記人英文全名、聯絡電話、航班出發日期、電郵等，我們會盡快將您的個案轉交客戶服務中心跟進處理，謝謝。」。不過事件精彩的地方，就是有另一名跟港媽同機的乘客，在其他討論區出 post 陳述當日的「案發經過」，反指錯的是港媽。「呢個港媽個小朋友（1x）歲因為係機上打機，開始降落時，空中服務員多次警告都唔理，話自己飛行模式，最後搞到報警，阻住成機人。今日得閒上 hx exprexx 苦主網睇，竟然仲惡人先告狀，簡直不知所謂。希望可以還空服一個公道。」
「真相 post」一出後，有份在討論區留言的網民都一面倒地直斥港媽過份，「自己理虧仲扭曲事實投訴人」、「其實睇佢個段 post 講野態度都好差，又野蠻又自私，服務性行業遇到呢啲人死得。」、「都唔知咩構造？仲好意思上 fb 公審返個職員......」。正因如此，有網民力讚樓主出 post 道出事件真相，「好在樓主在現場，否則又羅生門了」。其實樓主也十分盡責，send email 到 HK Express 說出事件真實版本，並非港媽片面之詞，並指「其實正常人都會估到誰對誰錯」，希望還空姐一個公道。
精選網民留言：
「自己理虧仲扭曲事實投訴人」
「都唔知咩構造？仲好意思上 fb 公審返個職員......」
「好在樓主在現場，否則又羅生門了」
「正常都估到，空服點會唔收工去搞報警」
「多謝樓主 send email 俾 airline，唉呀......香港服務業真係好惡做」
「支持樓主還空中服務員一個公道。」
「我估航空公司知道報得警，都唔會怪個職員」
「其實睇佢個段 post 講野態度都好差，又野蠻又自私，服務性行業遇到呢啲人死得。」
「好憎啲打横行的人！」
「有啲港媽真係極野蠻！」
Source: HK Express Facebook, Baby Kingdom