Tesla 2023 升級版 Model 3 已經正式出貨，除了外觀經重新設計，更符合空氣動力學，風阻更低，亦能延長其續航力，提升至高達 629 公里，0 -100 km/h 加速只需 4.4 秒。此外，升級版的內裝同樣是重新設計，豪華舒適感同埋娛樂功能都有提升，今次 ezone.hk 就搵黎舊版與新車，對比各個重點升級項目，仲請埋兩位 Model 3 車主試駕升級版。
1. 更加流線形車身
2023 升級版的 Model 3，使用更鋒利、更有運動感的頭泵把設計，配合細長的頭尾燈，整體感覺更似 Roadster 跑車。此外，受惠於新的外觀設計，它的風阻減至 0.219cd，在電池容量相同情況下，可提供額外最多 1 成續航力，長續航版達 629km (WLTP)。
2. 降噪表現提升
升級版 Model 3 使用全新的雙層靜音玻璃，並在車身及車門加入更為出色的隔音物料，以及將水撥收藏到頭蓋覆蓋範圍之內，加上新的輪圈設計，以及升級密封避震系統，行駛時車內寧靜度大幅提升。
3. 觸控轉波模式
自從使用純電驅動以來，電動車對於傳統汽車「轉波」的操作頻率更低，今次 Tesla 更大膽地將傳統意義上的波棍取消，將轉波選項整合到中控大屏幕當中，同時在擋風玻璃對上位置設有實體鍵。
4. 前座通風座位
今次改款改進座位的設計，新車的前座明顯有很多小孔，還可透過手機預先啟動通風功能。
5. 後座增設 8 吋屏幕
新版除了照顧前座之外，亦提升後座乘客的體驗，在中間位置加入一個 8 吋的屏幕，可以顯示娛樂及行車資訊外，還可以獨立調節冷氣溫度及風力。
6. 17 喇叭系統
2023 升級版更注重視覺及聽覺效果，車內新增氣氛燈，還將音響系統升級至 17 個喇叭，能營造更出色的環繞音效體驗。
7. 升級內飾用料
升級版 Model 3 改進內飾材料組合，面料更加柔軟，無論視覺效果以及觸感，同樣是 Level Up。
8. 全新呔盤設計
今次升級版的呔盤仍然傳統的圓環形呔盤設計，但以往兩則的操操桿都消失了，所有功能都變成了按鍵，佈置在呔盤手指公可觸及的範圍之內。
| 長續航雙摩打全輪驅動版 | |
| 續航距離（WLTP 標準） | 629 公里 |
| 最高速度 | 201 公里/小時 |
| 加速速度（0-100 公里/小時） | 4.4 秒 |
| 價格（一換一價格） | 港幣 $328,300 (免稅) |
| 開始交付時間 | 2023 年第四季 |
專家試車
今次 ezone.hk 聯同香港資訊科技商會榮譽會長 Francis，一齊到 Tesla 荃灣的新 Showroom，睇睇升級版 Model 3 各種顏色之餘，還從荃灣開往黃金海岸進行實測。隨後，又邀請到兩位現任原版 Model 3 車主 Ken 及 Alex，輪流試駕升級版！看看他們對升級版的幾大升級項目的評價！
Q1 : 升級版 Model 3 有好多實體制都已取消，你覺得操控上惑覺點啊？
- 我揸了一會，原本在呔盤的自動波，變了在 Screen 上向上向下推，指揮燈由兩枝棍變了兩粒制，習慣一下其實我已經覺得 OK 喇！起初覺得轉波要在 Screen 上碌會不會很麻煩，但剛才試了又覺得沒有問題，因為大部份時間都是向前行，只不過是向後行時要拉，試了後都覺得其實算方便，只是層慣的問題。(操作上都方便？) OK 啊！
Q2 : 我覺得 Model 3 升級版較舊版靜，偽咪我幻覺還是有改裝呢？
- 坦白講我都覺得係靜咗，因為我本身都係 Tesla 車主，現在揸了一段路，我感覺它的路噪沒有哪麼明顯，當然喇向來電動車都是沒有太多聲，沒有了引擎只有摩打，其實沒有太多聲，主要感覺來自路噪，當然會有很多因素影響，例如車身的隔音做得更好，輪呔也有影響，好多方面或者避震都有影響，所以乘客的感覺是最實際，如果你覺得靜咗 (真係靜咗啊！)我都覺得靜咗。宜家行緊 6、70 公里，基本上我覺得係靜咗囉！
Q3 : 我坐咗陣覺得座椅涼浸浸，新版好像改裝了冷氣椅，你覺得這個設計點呢？
- 冷暖氣椅通常有咩作用呢？通常喜歡運動，你喜歡運動嗎？(OK！)有時跑到身水身汗，上車涼浸浸就會很舒服，有時部車放在主題樂園之類暴晒一日後，車內就會很熱，當然現在 Tesla 可以遙控開冷氣，如果有埋冷氣椅，我都覺得涼浸浸，感覺真的差很遠。(舒服很多！以乘客角度來講，我都覺得這個功能很貼心，有時玩到身水身汗，返回車上時即刻涼浸浸，感覺都很好呢！)
Q4 : 今次升級版 Model 3 續航力及馬力都勁咗，你覺得係咪更抵玩呢？
- 第一，新款車喇，續航力相當重要，因為平常我們見到都是 4、500 公里，現在它已有 600 公里，續航力長一定對電動車有著數，至於馬力大咗，雖然我常說馬力大是否能用盡，但當然俾多咗錢就自然希望會要多點東西，但現在反而俾少咗，就真係抵喇！(的確抵，性價比超高！)
Q5 : 我留意到升級版有氣氛燈，我覺得係幾好的設計！
- 幾有氣氛，雖然有人覺得氣氛燈多餘，我原本的舊版 Tesla 是沒有氣氛燈，但我見到現在有氣氛燈，自然會貪得意去試玩，試過後覺得效果都幾靜，特別是夜晚，雖然現在是日間看不清，但在夜晚不斷轉色真係好正！我見有不少人走去改裝，但我建議都不要搞，特別是涉及電腦的部件最好不要搞，但現在原裝有就大家放心喇！(可以令你部車更有個人特色，當你揀唔同顏色的時候。)
車主實試
平常 Ken 及 Alex 都會駕駛自己的 Model 3 四出遊玩，對舊版有相當深入的了解，今次 ezone.hk 就邀請他們試試新車，並請他們說出對升級級的感受！
Ken :
- 我覺得抵玩咗，又舒服咗同埋音響更好，最重要係佢平咗
Alex :
- 我覺得避震做得好好，同埋覺得它四門都係雙層隔音玻璃，現在隔聲非常之好！
【熱門報道】
【熱門報道】
Source: ezone.hk