日前，香港的士業議會響應旅發局「好客之道」運動，展開「的士禮貌運動」，派出「禮貌大使」推廣友善乘車環境。然而，相隔短短一天，就有的士司機與乘客因車速問題爆發駡戰，打響「禮貌運動」後的第一炮，事情更被的士車 Cam 記錄上傳社交媒體，引起網民熱烈討論。
即刻【按此】，用 App 睇更多產品開箱影片
的士司機乘客駡戰再現
經濟日報 Topick 報道，日前有網民上載一段的士司機與男乘客爭執對駡的車Cam片至 Facebook，貼文更寫道：「忍唔住整咗個字幕版，方便大家了解禮貌運動首日推行情況。」，引起網民熱議。
的士司機與乘客對駡截圖（逐格睇）
影片全長約2分鐘，一開始男乘客對司機說：「司機可唔可盡快呀？」司機回覆：「你自己睇到（路況）。」男乘客續說：「我知呀，盡快呀，我屋企人有事。」之後又提高聲浪要求司機加速，司機便喝道：「嗱嗱嗱，你要發我脾氣就落車……我已經盡快㗎啦」，男乘客隨即反擊：「我無發你脾氣，我只係叫你盡快咋。」
的士司機語氣也變得不滿：「我都幫你唔到，你一係落車坐過另一架，你呢啲咁㒼塞嘅人。」兩人隨即展開罵戰，司機說：「你唔駛喝我啫……我好快㗎啦」，男乘客則否認「我冇喝你呀」，最後，的士司機叫他落車：「我唔車呀，我覺得你有問題」，並將的士泊在路邊，最後男乘客爆粗兼鬧司機「食屎狗」後離去。
事件在網上引起討論，網民熱烈討論雙方對錯，點擊下圖睇更多網民精彩留言啦！
【熱門報道】
Source：topick.hket、希比