風扇開最大都唔涼？裝修專家拆解 4 大原因 牛角扇／鴻運扇／循環扇／無葉風扇清潔方法＋3 招慳電
|
黃恩祈
| 17-08-2026 15:27 |
在Google
追蹤《e-zone》
追蹤《e-zone》
天氣熱到爆，風扇開到最大檔卻仍然唔夠涼，甚至愈轉愈慢？「裝修學院」校長鄧世民（Simon）指出，風扇唔夠涼通常與使用習慣同零件老化有關，最常見有 4 大成因。只要搞清楚原因，再針對清潔或更換零件，風扇隨時回復原有風力。
即刻【按此】，用 App 睇更多產品開箱影片
風扇唔涼 4 大主因
Simon 表示，風扇唔夠涼主要與以下 4 個原因有關，大部分情況都可以自行處理或找師傅協助解決。
1. 積塵太多
風扇用得耐又無定期清潔，扇殼同扇葉會積聚大量灰塵，直接影響轉速同出風量。如果發現風力明顯減弱，第一步應先檢查扇葉是否積塵嚴重。
2. 零件老化、潤滑油乾
風扇內部零件嘅潤滑油會隨時間變乾，令轉動唔順暢。如果運行時聽到「咿咿」聲或有怪聲，好可能係潤滑不足，可嘗試噴上適量潤滑油改善。
3. 電容老化
如果風扇轉得特別慢、風力明顯變細，好大機會係內部電容老化。解決方法係更換電容，將舊電容拆出，配一個相同規格的新電容裝回去便可。如自己唔識處理，建議搵專業師傅幫手。
4. 用錯風扇放錯位
有時風扇本身無問題，純粹係擺位唔啱。Simon 提醒，循環扇唔係用來「吹人」，而係令空氣循環，應該放在房間最長吹風路徑位置，例如放在角位吹向遠處，產生循環風將空氣「打勻」。
另外，風扇唔好放得太貼牆身，因為有入風先有出風，入風口受阻會令送風量減少。部分人為涼快會將風扇放近直吹，嚴重有機會造成面癱，建議將風扇放遠一點。
4 大常見風扇清潔方法
Simon 表示，風扇大致分有葉同無葉兩類。有葉風扇包括牛角扇、鴻運扇及循環扇；無葉風扇表面只需清掃出風口及入風口即可。以下係各類風扇嘅清潔重點。
牛角扇
市面上嘅牛角扇一般係主體與底罩連合，只需用水及微濕布清洗即可，結構相對簡單。
鴻運扇
鴻運扇清潔方法與牛角扇大同小異，見螺絲拆螺絲便可。不過面罩及底罩能否分拆，要視乎不同品牌設計。
循環扇
循環扇體積較細，未必有太多零件可拆出，平時只需在表面掃塵便可。如想做深層清潔，就要用鉗拆開機內部分再刷洗。
無葉風扇
坊間常話無葉風扇不用清洗，Simon 解釋無葉風扇其實唔係真無葉，只係扇葉收藏在機身內部。雖然積塵情況無有葉風扇咁嚴重，但內部零件一樣會積塵。如果發現風力減弱，拆洗時按照主流風扇嘅清洗原則小心處理便可。
3 大慳電貼士
- 風扇設定在最高風速檔：風扇有「動者常動」原理，設定在最高風速檔反而更慳電，配合冷氣機使用可發揮最佳製冷效果。
- 風扇加冰：坊間有部分風扇可加冰，吹出冷風。純用風扇唔開冷氣，已可慳電達九成，雖然要雪冰較麻煩，但慳電效果相當顯著。
- 循環扇配冷氣：開冷氣時配合循環扇增加空氣流動，令冷風更均勻分布，可調低冷氣溫度或縮短使用時間，慳返唔少電費。
🎯 重點速睇：
- 風扇唔涼 4 大原因：積塵太多、零件老化潤滑油乾、電容老化、用錯風扇放錯位。
- 牛角扇／鴻運扇：拆螺絲後用水及微濕布清洗，面罩及底罩能否分拆視乎品牌。
- 循環扇：表面掃塵即可，深層清潔需用鉗拆機內部分刷洗。
- 無葉風扇：內部仍有扇葉，按主流風扇清洗原則小心處理。
- 慳電 3 招：風扇開最大檔、風扇加冰、循環扇配冷氣令冷風更均勻。
【熱門報道】
Source：UHK