Apple定位通知相信幫助不少用家重新尋回耳機等裝置。近日，在Threads平台上，有一名網民分享最近在香港理工大學校園內，收到手機傳來失竊近2年的AirPods定位通知，令事主喜出望外，更打算徹夜留守捉賊，但是有其他網民留言提到訊息內的一點內容，其實並非失竊通知？即刻睇睇事件詳情！
AirPods失竊2年恰巧重現校園？
事主在Threads上傳兩張圖片指，留意到AirPods Pro 2在自己附近出現，又貼出身處「大學圖書館」的圖片，配文稱「估唔到兩年後入返Poly就遇返個賊，醒醒定定好出黎俾返我，禮拜五全晚等到你出黎，因為我是一個chill guy，推到佢出黎 thanks」，引起網民熱議，紛紛急求捉賊結局。
事主準備捉賊 網民提點並非失竊通知
然而，有冷靜網民提點事主，該定位訊息似乎不是失竊通知。網民解釋，「呢個（訊息）係講緊偵測到有一隻AirPod喺你身邊跟住你而唔係偵測到你唔見咗嗰個AirPod Pro 2」。事實上，基於Apple 「防跟蹤提示」功能，只要有不屬於用家本身名下的Apple裝置長時間出現在身邊，就會發出類似的「定位通知」。故此，事主並非如此恰巧地在校園重遇賊仔，相信事主與他的AirPods Pro 2重遇之日仍遙遙無期。點擊下圖睇更多網民留言啦！
即刻【按此】，用 App 睇更多產品開箱影片
【熱門報道】
Source：threads.net
【相關話題】車cam直擊｜前車倒後入咪錶位 尾隨私家車直接搶位
【車cam直擊】日前，有司機在Facebook群組「車cam L（香港群組）」上傳一段正在街上泊車的車cam影片。片中事主在打算倒後泊入路邊咪錶位，不料當時一架尾隨私家車竟直接駛入樓主正在泊入的咪錶位，繼而引起爭執。網民紛紛表示，「樓主輸經驗」，為他感到可惜。即刻睇睇事發經過！
Source：ezone.hk