Apple近期推出M4 Mac mini，但機身設計就引起不少用家擔心散熱效能問題。日前，有網民就在Facebook群組發帖文，分享另類解決方案，更表示這個廚具是他老婆的想法，相當有創意之餘，尺寸更是完美貼合！即刻睇睇係咩廚具咁厲害！
Mac mini另類散熱大法 網民老婆分享一廚具
據該網民分享稱，這個小方法就是利用普遍家庭都會用到的小型蒸餸架，他更貼出幾張Mac mini被蒸餸架托起的圖片，尺寸大小都完全貼合，又相當自豪地配文表示，「老婆係好嘢，可以完美解決mac mini散熱問題」。
網民讚有創意「加個logo賣貴幾百」
帖文很快就得到網民熱傳。不少網民都大讚想法有創意，更笑言「Tim Cook應參考，Apple該出正版啦，不過售價過千」、「加個logo賣貴幾百」。甚至有網民開始為這件Apple「新產品」展開命名大賽，有網民提議「仲唔係 iCook/iCooler」、「蘋果出嘅話會有3種高度，iZhengjia（「蒸架」粵語拼音）、iZhengjia Pro、iZhengjia Pro Max、高度1-3吋」。點擊下圖睇更多網民留言啦！
即刻【按此】，用 App 睇更多產品開箱影片
【熱門報道】
Source：黃金高登 灣電旺電 腦場情報關注組
【相關話題】AirPods失竊2年重現定位通知
Apple定位通知相信幫助不少用家重新尋回耳機等裝置。近日，在Threads平台上，有一名網民分享最近在香港理工大學校園內，收到手機傳來失竊近2年的AirPods定位通知，令事主喜出望外，更打算徹夜留守捉賊，但是有其他網民留言提到訊息內的一點內容，其實並非失竊通知？即刻睇睇事件詳情！