有網民在社交平台發文，指自己的iPad在充電時爆炸，前往Apple門市反映問題，卻被職員回應「你要投訴就報警啦」。隨後經理補充可聯絡平機會，事主聽後感到無奈。貼文引發網民爭論，有人認為電子產品使用時間長，難免出現問題；另一派則認為故障不可接受，更何況是爆炸。
港女反映iPad充電期間爆炸 反被叫向平機會投訴
最近有網民在社交平台Threads發文，指自己睡前為自己的Apple iPad充電，未幾卻突然「Boom咗一聲」爆炸。網民憶述當時iPad爆炸後冒出濃煙，發文的港女形容「炸到iPad套都融咗，成間屋都係煙。」翌日，港女到Apple門市反映情況，卻遭職員「寸爆」回覆「你部機啲零件冇曬㗎啦。你想投訴咩？冇㗎，我地門市黎㗎咋，你要投訴就報警啦」，令事主大為不滿。Apple Store經理現身了解後更補充，「投訴可以去平機會。」
本網就事件向Apple查詢，截稿前未獲回覆。
貼文掀起兩派網民熱議
貼文發布後火速引來熱議，有人揶揄經理叫事主報平機會一事，「平機會？係咪即係平版與手機爆炸委員會？」與此同時，留言區分成兩批網民討論，有一部分人認為該電子產品使用壽命長，有所損壞屬正常情況，所以Apple Store處理手法合情理。
有網民質疑「一睇部野係n年前舊機，過曬保你仲想點？」、「過左幾耐保養 Apple無終身保養 想知你投訴啲咩」、「個職員答得你部機已經冇零件 一定有返咁上下年紀 電池老化 及 如果已經漲咗 都有爆炸危險。」
網民：就算過咗保養期都唔應該爆炸
另一派的網民則認為，即使電子產品已過保養，或者使用年份較長亦不應發生爆炸，「睇完留言先知原來有啲人覺得過咗保養部機係理所當然要爆炸，我一路都以為過咗保養，純粹係部機會壞，即係例如上唔到網、個mon會壞等等，點知原來係包爆炸，咁嗰啲咩阿爾蓋飯使乜嘥錢買咁多G4啫，收返十幾廿部過咗保養嘅iPhone咪得囉」、「過保就要預有問題係咩玩法😂😂 過咗平均壽命就要自己去死？」、「點解咁多人都問過唔過保？個問題唔係過唔過保，係就算過保都唔應該爆炸。」
有網民教路，分享自己使用電子產品時，讓電池更耐用的小心得。
官方延長電池壽命使用貼士
根據Apple官網的「延長電池壽命使用貼士」，提醒用家避免讓裝置暴露於 35° C (95° F) 以上的環境溫度中，以免永久損害電池蓄電量。另外，將裝置連同護殼一同充電，可能會出現過熱的情況，因而影響電池蓄電量。如在充電時發現你的裝置發熱，應從護殼中取出裝置。
即刻【按此】，用 App 睇更多產品開箱影片
原文：港生活