近日，一位移居英國的港人在社交平台上分享心得，表示自己移英後「物慾變得好低」，大吐苦水，懷念在香港時「買衫、買盲盒、買公仔」的日子，以及在文青小店隨意吃一餐的悠閒時光。他坦言，自己曾經在香港工作時，出一份工就會犒賞自己，買些心頭好，感受到滿足感；但現在在英國表示，半年來幾乎沒買過新東西，反而開始懷念過去的生活方式。帖文引來不少網民共鳴，亦有網民持相反意見，認為反而在英國的購物慾更強。
即刻按此，用 App 睇更多產品開箱影片
港女移英後失去購物慾
近日，1名移英港人在Threads上發文詢問「有冇人黎咗英國之後物慾變到好低？」，同時分享自己昔日在香港時「成日買衫、買盲盒、買公仔」，亦會「行啲文青小店又買一餐」。可是在她移居英國後，竟然「半年都買唔到一件衫」，直言「（英國）冇咩特色店舖行下」，最多只會去古著店，但「要尋寶尋勁耐」。
樓主表示雖然物慾變低能「慳唔少錢」，卻失去了「買到心頭好嘅快樂」，樓主亦回憶以前在港工作時「一出糧就買嘢獎勵自己，就算買杯珍奶都開心。」反觀現在收到工資「淨係應付日常開支」亦「完全冇嘢想買」，樓主對此呻：「我知冇得比較以前同依家嘅生活，但就係忍唔住回憶往事。」。
網民共鳴︰嚟到買少咗好多
此事引起不少移英港網民共鳴：「琴日都同人講冇得買小廢廢」、「我好鍾意買高級垃圾，但嚟到買少咗好多」、「以前香港喪買菲林 而家好需要先至會買」、「倫敦無嘢好買，啲舖來來都嗰啲，啲style又唔啱胃口，vintage matket好少少嘅，結果都係網上買再寄過嚟」、「一來無得行實體舖，而來無咁多多餘錢」和「老實講係冇咗以前在香港嘅朝氣」。
不過，亦有網民持相反意見，認為反而在英國的購物慾更強，「冇，英國行街大把舖頭行，唔會好似香港咁千篇一律，買到勁多得意嘢：文具、精品、小玩意、公仔、衫褲鞋襪帽都買」、「冇，以前唔多買嘢，嚟英國買多咗」、「我開頭都係咁諗，不過過咗半年就回復本性，只係買既地點同東西唔同咗。但係都係成日買買買」和「住倫敦同以前一樣買咁多野，係倫敦咁多名店潮店，是但行一行就會跌錢 」。
▼原帖文▼
來源︰Threads@tiff__aany_