天氣熱，不少男士在街頭或屋苑內都會赤膊上身。早前，有港人分享，指其所住屋苑管理署貼出通告，批評住戶「赤膊上身」不雅，並引述《刑事罪行條例》，聲稱「赤膊上身」有機會觸犯法例？
私樓管理署出通告被指「管得太嚴」？
該名港人於Threads發帖，貼出一張疑似由北角某屋苑管理處發出的通告，標題為「留意個人儀容事宜」。但樓主質疑管理處未免「管得太嚴」，並寫道：「講到好似男士赤膊上身，會觸犯《刑事罪行(條例)》第148條，（屋苑）會唔會管得太嚴？咁啲明星演唱會表演除衫咪全部犯罪？」。
赤膊上身＝不雅？管理署引用法例：即屬犯罪
通告指出，管理處早前接獲部份業户反映，「有住戶在進出單位途徑（經）走廊時（如倒垃圾／整理私人物品）赤膊上身，甚為不雅」。管理處因此發出通告，提醒住戶進出單位時應穿回上衫，以免影響他人。
通告更引用香港法例第200章《刑事罪行條例》第148條，任何人無合法權限或辯解，在公眾地方或公眾可見的情況下，猥褻暴露其身體任何部份，即屬犯罪，一經定罪，最高可處罰款2,000元及監禁6個月。
網民翻查舊案例：告唔入
不少網民翻出過往案例反駁管理處的說法，指赤膊上身根本不構成違法，「 N年前有女人告男食客性騷擾，因為班地盤工人赤膊上身入餐廳，最後都係告唔入」、「高等法院有案例講到明上身赤裸嘅男性係唔會觸犯呢條法例」。更有人質疑管理處未有法律根據就發通告 ，「有無徵詢過法律意見？」、「唔係寫出嚟就一定啱，試下報警受唔受理」。
網民質疑邏輯 稱「沙灘上男生咪全部犯法」？
有網民認為管理處說法不合常理，「私人屋苑嘅公共空間？」、「咁海灘游水呢，都係公眾地方」、「沙灘上男生咪全部犯法」、「咁做送貨嗰班一定係高危人士，成日都見唔着上衣」，並笑稱「投訴之都唔係浪得虛名！」。
管理處難做？網民：都係打份工
亦有網民認為，管理處其實係「被迫出招」，直言「好明顯管理處搞唔掂黐線婆，所以求其出張通告塞住佢把口」、「做俾投訴條冚家X睇嘅啫，大家當冇睇過」、「西客VIP迫管理處出，管理處都係打份工」。還有網友搞笑留言：「生得靚仔咪唔猥瑣」、「冇身材冇權唔著衫」。
▼網友留言▼
來源：Threads
即刻【按此】，用 App 睇更多產品開箱影片
【熱門報道】
Source：hk.ulifestyle.com.hk