在感情關係中，最令人擔憂的並非遇不到合適的人，而是明知對方「唔對路」卻選擇自我安慰，最終浪費寶貴青春。近日有網民整理出「低質男友十大特徵」，內容從「有事搵你、冇事潛水」到「承諾永遠得個講字」，每一點都擊中不少港女的痛處，引起熱烈討論。
即刻按此，用 App 睇更多產品開箱影片
網民列低質男友十大特徵惹議
早前有網民在Threads上以「低質男友十大特徵（港女警報必睇💣）：」為題發文，細數男友10宗罪，籲女生遇上有以下特質的伴侶就要及早斬纜。樓主超直白揚言「低質男唔cut，遲早cut你青春。識得分清楚，先可以為真正嘅幸福讓路。」
當中包括最愛講「咁樣都要嬲？」，自己做錯反而怪責女友小題大作，男方事事扮窮或太過「均真」都會影響關係，即睇到底有邊樣「地雷」要避開：
「承諾王」最令人心淡
伴侶答應過的事情沒做到同樣令人失望又不滿，網民舉自己的血淚例子作鑒，「話會改、話會努力、話會對你好——全部都係『話』啫。」
樓主：自愛是戀愛底線
樓主亦提醒每個人都要懂得先愛自己，「當你唔識愛自己，就會發生啲好荒謬嘅事」，例如對方只回你「嗯」你都可以開心一日；甚至連佢出軌，你都會喺度諗：「係咪我唔夠好？」樓主強調拍拖是互相愛護和照顧對方，雙方共同付出，而非單方面做管家做家傭做情緒垃圾桶。樓主叮囑「有自愛，你就唔會見到渣男都當自己中六合彩。」
網民：女仔同樣道理
有網民認為以上特質不單單講男生，同樣適用於女方，如果另一半有以上問題，都是一大警號，亦有人覺得「吸引力法則」、「咩人識咩仔。」大家切忌戀愛腦，要帶眼識人。
來源：Threads@helenn_wong、《愛回家之開心速遞》劇照