運輸署排隊黨亂象未有停止。近日，在社交平台Threads上，有網民上傳一段發生在金鐘運輸署香港牌照事務處外，幾位中年女士的爭執打鬥影片。據該網民指出，片中爭執雙方疑似是排隊黨的「蛇頭」及疑似是排隊黨一份子的婦人。即刻睇睇爭執經過！
運輸署排隊黨疑爭頭位激戰
從相關影片截圖可見，當時在牌照事務處門外，有幾位人士發生爭執。片中藍衫老婦率先出手拍向黑色衫懷疑是「蛇頭」的女子。及後，站在兩人中間的女子把她們分開，試圖勸架。
上傳影片的網民稱，「每日有大量八十幾歲阿婆朝早4點嚟申請駕照，咁當然實際申請人唔係佢地，而係佢地卡片file 裝住既磚材既國內Driver License，目的係咩我就唔猜測」，又戲稱這場爭執是「中年MMA」。帖文留言，也有網民分享，「一個月前返香港去過一次續車牌，門口真係一堆咁嘅鄉音阿嬸喺度拉客問買唔買籌」，無奈「咁都可以整一門生意出嚟」，質疑「點解政府部門容許呢啲事發生，唔趕走佢哋？」。事實上，早在今年3月，《東張西望》報道，有排隊黨踩入運輸署牌照事務處招攪生意。此外，在小紅書上搜尋「香港運輸署」和「代辦」，也有大量相關帖文，寫明多少錢就可以申請代辦，更可以提供香港地址，亦可即日下單。
網民熱議：好影響本地人日常
網民對此紛紛熱議。有網民表示，「其實好影響本地人日常」、「擺明黑工」，也有網民坦言，「見怪不怪，運動book場果d全部都係」。點擊下圖睇更多網民留言！
【原帖文】
即刻【按此】，用 App 睇更多產品開箱影片
【熱門報道】
Source：threads@adonis_the_explorer
【相關話題】排隊黨踩入運輸署 小紅書「代辦」生意暢旺
近日《東張西望》報道，有排隊黨踩入運輸署牌照事務處招攪生意。投訴人陳小姐 （化名）指，自己當天早上8點，到達事務處前已有不停有人向她兜售代辦服務。怎料到達後被告知籌號已派完，最後1點半才領取到號碼票，2點才能處理申請，慘呻「申請過程只需要30分鐘，時間都浪費在排隊上」，怒斥代辦人員濫用資源！
Source：ezone.hk