不少需要過海上下班，而又會乘坐 MTR 港鐵的朋友，總會有都會票在手，貪其更為「抵睇」，而近月港鐵亦力 sell 電子都會票，讓用家只需拿智能手機嘟車票上的 QR Code 就可乘車，不用擔心忘記帶實體都會票使用。不過，在昨日（24 日）放工及今早（25 日）返工繁忙時間，不約而同有網友反映電子都會票使用不能，更有乘客向職員求助時，只被冷回一句：「自己搵方法」。
即刻按此，用 App 睇更多產品開箱影片
港鐵 QR Code 都會票上下班時間才「冧檔」
昨日（24 日）下班及今早（25 日）上班繁忙時間期間，不約而同有網友反映 MTR 港鐵電子都會票使用不能，樓主首先提到「金魚缸（港鐵職員）唔識點做，只叫你自己搵方法搭車。發 X 達呀黨鐵，日期唔會延長，又賺咗一程乘客正價」，感覺確實不太好。另有網友回應提到電子都會票不 work 不是首次出現，「呢次已經係 QR code 版都會票第 3 次集體冧檔，第 1 、2 次只有手寫通告，今次有晒印刷版，即係預咗冧」。隨後都有網友反映今早（25 日）電子都會票一樣使用不能，直言「一大堆人入唔到閘」，個別車站派免費單程票來解決此問題。不知有電子都會票在手的大家，有否一樣遇上這種不幸事件，繼而帶着「年初四咁樣」去上班呢？又會不會聽從網友建議「用返實體飛」呢？
【熱門報道】
【精選消息】
Source: LIHKG