相信不少市民知道，或體驗過港鐵嚴打逃票問題確實不遺餘力，甚至有不少奉公守法的乘客是因不同情況而沒有「成功嘟到」入閘而「硬食」罰款。不過有網友出 Threads 出 post 提到港鐵職員處理逃票問題時疑似雙重標準，就是見到外籍遊客沒有拍咭跟人入閘時跟車站職員報告，但車站職員竟然「大發慈悲」以另類方法處理，感到相當意外。
即刻按此，用 App 睇更多產品開箱影片
外籍遊客搭港鐵擺明逃票
這位網友出 Threads 出 post 提到，在尖沙咀站見到有外籍遊客沒有拍咭跟人入閘，於是向跟車站職員報告。然而車站職員竟然沒有像平時處理逃票情況般直接發出告票，而是「開另一道閘放佢走…」樓主頓時問及職員為何會放走逃票者，但職員只表示「唔係『查票組』無權捉」，對相關應對手法大感驚訝。
↓點擊圖片放大↓
港鐵只捉香港人逃票？
有鑑之前港鐵職員試過用強硬手段要乘客因為沒有「成功嘟到」入閘而「硬食」罰款，最終事主需「推上《東張西望》望周知」，引來全城關注的情況，所以今回這個 post 一出，已有網友留言直言「淨係針對香港人，成日老屈」、「不嬲只捉香港人，其他國籍同大陸人捉到會放生，係人都知」，亦有網友分享朋友因持有其他地方的身份證明文件，最後成功放行的經歷，「我個朋友有台灣身分證又有香港身分證，比人捉到拎張台灣身分證出嚟扮遊客唔知香港規矩，次次都係放生」。
↓點擊圖片放大↓
港鐵職員擺明 Hea 做？
在這個 post 中都有網友笑言這位職員返工擺明 hea 做，「佢婉轉話你知：我怕做嘢，唔想煩」、「呢單嘢唔係我跟開」、「唔捉，又唔截停佢搵人處理，好 kick」，也有網友認為職員如果「揸正嚟做」，大可以「通知查票組囉！」、「call 個有權嘅出嚟啫，睇佢做唔做咋嘛」，更問及職員「係咪唔識講英文」，所以才選擇有所為而不為。
↓點擊圖片放大↓
【熱門報道】
【精選消息】
Source: Threads