港人去日本旅行自駕遊在近年是非常流行，而且在當地發生的意外事故都時有聽聞。最近有日本租車公司出 post 警世，提到「品牌處理一宗港人於日本自駕跑車的嚴重違規事件，引起業界高度關注。經反覆考慮後，決定公開事件經過」，而此事是跟香港夫婦租日產 Nissan Fairlady Z 自駕偷落 Track 玩甩尾有關的。
即刻按此，用 App 睇更多產品開箱影片
港夫婦日本租 Fairlady 自駕偷落 Track 玩甩尾
這間日本租車公司出 post 的原意，除分享有港人於日本自駕跑車的嚴重違規事件，引起業界高度關注外，亦提醒租車同業及所有計劃在日本自駕的旅客，需遵守道路安全。事件是在香港夫婦原想租用豐田 Toyota GR86，但因為系統交付問題而改為安排日產 Nissan Fairlady Z 自駕，但這對夫婦在租車第 3 日就報告後輪出現異常聲音，因此基於安全立即要求停車檢查，以及女方懷孕的關係，於是派員前往協助。經車房技師檢查後，發現「手掣因長時間摩擦行駛期間被強行磨蝕，最終變形及解體。」，於是向這對夫婦提出維修費與部分支援成本，惟對方對結果不滿，故公司正式立案調查，於車房調取行車紀錄查看，得悉這對夫婦曾駛入 Fuji Speedway（賽車場）封閉區域進行漂移及高速行駛，並且未有事前申報，亦在事後刻意隱瞞事實，以及車內錄音清楚記錄二人承認損毀源於相關操作，事主妻更教唆：「死都唔好認，轉個圈咋喎」。惟有關行為是屬租賃條款中的明確禁止項目。
頭腦＋駕駛技術都有問題
有網友看到這個 post 後，直言：「老婆大肚，仲車住佢落 track 甩尾? 生仔真係要考牌」、「X 到個仔都唔敢出世」、「你的父母如何，你的孩子也必如何！」，鬧爆他們頭腦絕對有問題外，亦提到「明明各大賽車場都有自己嘅落場體驗 plan，係要破壞規矩」、「直接喺個場租車咪得囉，點解要搞人哋租車公司嘅車呢」？不只如此，網友們也有感事主駕車技術一樣麻麻，「開 50 都 spin？佢手車落唔落場都一樣遲早會炒」、「仲86？行果 50 幾 K 都唔算係灣嘅灣都玩成咁？？ 減速手制比油（都冇咩灣唔灣心）？？？ 咁嘅死樣 kart 都玩唔掂啊，開佢名比大家欣賞下啦」、「最大問題係手制冇放到最低，而行車」、「佢唔係因為單純高速整壞架車。佢係因為唔識甩尾，都強行用架車原裝嘅 handbrake 鎖尾，整壞個 handbrake」。因此有網友認為租車公司應要報警，「以後唔使佢哋再玩爛啲車」、「告佢要求賠償，走數咪禁入境囉」、「點都要佢哋清晒賠償才可離開日本」。其實有不少網友密切跟進事態發展，租車公司表示：「經綜合考慮後，我們已按條款收取額外維修費用，並將該夫婦列入永久黑名單。」
【延伸閱讀】
【熱門報道】
【精選消息】
Source: Threads