不知大家去朗豪坊商場的洗手間時，有否發現防火門後會有一個小腳踏示意「用腳拉門」呢？最近有網友在 Threads 出 post 呻「朗豪坊先生 誰會用腳拉門？」，以及「東亞病夫用腳好 gay 真男人邊怕污糟」，暗指這裝置實用度是 0，相當搵笨。不過回應樓主的網友普遍不認同其想法，更有留言認為「不知幾好用，全香港都應該仿效」。
即刻按此，用 App 睇更多產品開箱影片
朗豪坊「用腳拉門」裝置 0 實用？
最近有網友在 Threads 出了「朗豪坊先生 誰會用腳拉門？」的 post，有感這個「用腳拉門」裝置是 0 實用，然而不少有份留言的網友反認為「佢係 COVID 嘅德政！到而家我都係用腳拉門」、「不知幾好用，全香港都應該仿效」、「當你見到幾多人去完廁所唔洗手你就會用腳開門」，其後更有不少網友分享不能沒有「用腳拉門」裝置的原因，尤其見到有人如廁後不洗手必用：「認真，朗豪坊見過啲大陸人真係唔洗手就走，我眼都突埋」、「你入過男廁見過啲阿叔摸完 X 屙完 un 一 un 就拉門走你就會覺得好有用，仲未計剩低啲過下水當洗完手果啲，成個門柄都係 X 皮屑你仲摸仲 gay 過怕污糟」、「講真，就算而家過咗疫情，我都唔係好鍾意用手拉，尤其係廁所你會見到 N 個男人冇洗手就拉門、一大個乞嗤打落手直接拉門⋯」。
「用腳拉門」裝置始祖現身說法
這個 post 除有一眾網友留言大讚實用，令樓主圍爐不成外，亦引得「用腳拉門」裝置始祖 StepNpull Hong Kong 現身說法。品牌回覆樓主提到，這裝置是疫情時的創業項目，因着自己在美國用過覺得頗好用，所以膽粗粗 send 電郵申請代理權，不過因為此裝置太 Mechanic，以及一個人營銷力量有限，故此未能夠普及化，現時仍有大量貨存。其後，品牌亦另外出 post 感謝網友對這裝置的喜愛，以及幫忙向不同商場、大廈及物業管理單位推介安裝，並且補充：「本來上年政府要收垃圾徵費，差啲就諗住係收垃圾徵費前要扔咗佢，好彩最後陰差陽錯下撤回垃圾徵費，所以而家仲有幾千隻擺喺屋企。呢兩日真係好慶幸當初自己冇掉到！大家熱烈嘅反應俾到我滿滿嘅鼓勵」～
【熱門報道】
【精選消息】
Source: Threads