每逢周末，加上大節日當前，定有不少人到中環蘭桂坊夜繽紛，然而酒未醒時就乘的士回家的話，就務必要小心，因為這時有可能會被的士司機乘虛而入索取天價車費！早前就有網友在 Threads 出 post，提到有外國人朋友疑中以上的伏。
即刻按此，用 App 睇更多產品開箱影片
外國人搭的士疑被多收車費
有網友在 Threads 出 post，提到自己的外籍朋友早前於中環蘭桂坊飲嘢消遣後乘的士回東涌，但的士司機就以 FPS 轉數快收取其 HK$650 車費，疑似中伏被劏，於是求問其他網民「有無人知 $650 蚊香港最遠可以邊到搭到邊到？」過後有網友表示「剛 Gogo 網上參考價柴灣去機場約 HK$350，未試過坐感耐感遠真係唔知，但 HK$650 聽到好不合理」、「來回機場同將軍澳」、「最遠坐過屯門去石澳 HK$500 有找，5 字頭未試過，6 字頭聽都未聽過」，因此有感樓主朋友可能被多多收車費。另外都有網友問及「有冇嘔清潔費？」，以為這個車費是包括額外清潔費用，但樓主就表示朋友沒有嘔的。此外，有網友直言樓主朋友是被的士司機呃車費，「坐到屎窟爛都坐唔到 650」、「中環東涌應該 320-340 左右」，並提「有轉數快資料走唔甩」和「報東張就會有人做嘢」，不知樓主朋友會否舉報這名的士司機呢？
【熱門報道】
【精選消息】
Source: Threads