相信不少人趕時間時會 call Uber 乘車，不用擔心隨街截的士可能會截不到外，Uber app 本身已有路線及價錢，所以感覺上較為明碼實價一點。不過有 Uber 用家早前在 Threads 出 post 提到，自己想 call 車從長沙灣去尖沙咀時竟遇上司機行錯路，惟該錯誤要「自己硬食」的事件，大感不忿。
即刻按此，用 App 睇更多產品開箱影片
Uber 司機行錯路但自己要多付車費
早前有 Uber 用家在 Threads 出 post 提到，當日自己想 call 車從長沙灣去尖沙咀，然而該司機行錯路「過埋西隧再返來」，慘被遊車河，因此車費由原本估計的 HK$44 左右，暴增多近 5 倍至 HK$212，即是「自己硬食」多HK$170，因此大感不忿。更不忿的是樓主想找 Uber 客戶服務專員投訴，想退回多出的收費，但 CS 回覆反表示：「價格已反映此行程的時間和距離，因此無需作出任何調整」。
網友着樓主以強硬態度追數
對於樓主的經歷，有多位網民均表示樓主需以強硬態度追回收多了的車費，「你強硬啲寫，我個一次係山頂 call 車，佢話 11 分鐘後到，到咗 9 分鐘，佢彈我單，我又要 call 過，跟住又要等多 10 分鐘，我投訴佢前前後後 20 幾分鐘先有車，佢俾返 10 蚊俾我…」、「你應該強硬啲話司機兜路，加上西隧入錯窿其實可以唔行隧道調頭，你唔識就算。果個司機都唔識？」、「我都試過有幾次類似情況，通常第一次都係話合理範圍內，所以冇得退。我再詳細啲 firm 啲嘅語氣寫第 2 次 email 之後佢就退咗差價~」。當然，這個 post 中都有網友趁機唱好的士，唱衰 Uber，「所以的士有得同差佬投訴，Uber 只要收到錢就 X 就」、「自己攞嚟，佢地出晒名亂收費」、「搭的士保平安」。此外，另有網友推測樓主有此經歷的原因，可能是「Uber show 嘅路線去咗過海，特別係 UberX 嘅司機只會跟路線行。」，並提曾經險些中招，「有一次去藍田，同一條路先 drop off 一個人再去前啲落車，司機突然笑咗出嚟話條路 show 要過東隧，好彩佢醒話唔會跟，如果唔係我嬲爆。」
【熱門報道】
【精選消息】
Source: Threads