因應即日起，粵車南下車輛可以經港珠澳大橋入境香港自駕，因此大家在街上已可見到這些同時掛上內地車牌及以「FT」為首的香港車牌汽車，於本港一帶自駕。有 Threads 網友今日（23 日）出 post 提到凌晨時份已巧遇一輛粵車南下的 Benz 私家車「由馬己仙峽道去到羅便臣道，全程都踩住 brake」，以及「時速 10 公里，唔講以為踩緊單車」。
即刻按此，用 App 睇更多產品開箱影片
巧遇粵車南下 Benz 夜遊港島
有 Threads 網友今日（23 日）出 post，分享凌晨 3 時 56 分巧遇一輛粵車南下的 Benz 私家車「由馬己仙峽道去到羅便臣道，全程都踩住 brake」的經過，並提「時速 10 公里，唔講以為踩緊單車」，而從中可看到車款是 E240 房車。雖然這輛 Benz 確是極龜速行車，但樓主都提「用夜晚時間熟習香港道路呢件事都 appreciate 嘅」。
網友表示「冇逆線都算係咁」？
因着粵車南下的車輛名額為每日 100 個，最多可留港 3 日，相信大家未來會有更多機會見到粵車南下的車輛自駕。有網友坦言這位內地司機勇氣可嘉，「咁快挑戰港島路，香港有好多人都怕咗港島路」、「冇逆線都算係咁」、「起碼唔係亂咁嚟先」，然而車速確是很慢，「痴 X 線港車北上你都唔會揸 10km 啦下話」，不過都有回應提到：「咁馬己仙峽道比起大陸啲路又確係難揸好多嘅」，以及「呢條路個導航必然係亂哂，司機一定好慌張」。此外，有網友笑言這位司機是 chill 住行車，「無論後面咩情況，佢哋都可以 keep 住自己嘅步伐去行」、「佢朝早揸可能已經俾人推左埋牆」，另有留言指要讓粵車南下的司機感受一下香港駕駛風格，「畀同胞見識吓香港司機 X 呠，不停閃高燈嘅本色呀嘛」。
粵車南下細節須知
從運輸署網頁可見，現時粵車南下的車輛名額為每日 100 個，最多可留港 3 日。有關車輛必須已獲發粵車南下許可證及完成內地部門所需手續，並透過「粵車南下」（入境市區部分）預約系統登記，方可經港珠澳大橋出行訪港，而車輛須安裝以「FT」開頭的香港車牌、增值易通行使用。此外，該車輛必須在提交許可證申請時，需按要求出示有效的保險單；並在香港道路上使用有關車輛時，已備有一份有效並符合法例規定的第 3 者風險保險單或保證單。駕駛者應仔細閱讀《道路使用者守則》，了解「左上右下」的道路設計，故車輛需靠左行駛。
【熱門報道】
【精選消息】