不少香港車主為了方便，晚上在旺角等鬧市「掃街」或食糖水時，都會選擇將座駕短暫停泊在路邊咪錶位。然而，這種「快食快走」的習慣可能已成為匪徒的目標。近日社交平台 Threads 上瘋傳一宗駭人聽聞的企圖偷車案，有車主在旺角花園街取車時，竟當場撞破兩名疑似內地男子利用一張單據企圖撬開車門。最令人心寒的是，對方在罪行敗露後竟毫無懼色，即使事主揚言報警，對方依然賴死不走，猖狂行徑引起網民極大迴響。
即刻按此，用 App 睇更多產品開箱影片
去旺角食完糖水攞車疑撞破大陸偷車黨
昨日（4 日）從 Threads 看到的警世 post，提到樓主跟男朋友吃完糖水，返回旺角花園街取回座駕時，發現有兩位內地人站在其後座車門旁邊疑似有所動作，細看之下原來是他們「用張單撬車門」，想偷自己汽車。其後樓主跟二人講要報警處理，但對方「話報警都唔走」！在這個 post 的最後段，樓主直言「冇諗過今時今日依啲事會發生係我哋身上面」、「勁恐怖報警都冇用」，並有貼出二人容貌，勸喻大家小心這些大陸偷車黨。
↓點擊圖片放大↓
網友着樓主真的要報警＋年近歲晚小心財物
不少網民看過這個 post 後，着樓主真的要報警，「只要佢哋肯處理，報警係有用，有條罪叫干擾交通工具」、「掂得你車就要即時報啦，仲要諗咁多野咩，係我就即時報同唔比佢地走啦」、「下次打 999，差佬會通知埋車主 」。另外，有網友亦提涉事的兩位內地人「成個賊樣出晒嚟」、「西裝襯拖鞋，LV 褲就知咩人」、「着拖鞋嘅疑似賊，只有某些國家才會有」、「個樣都似…右邊嗰位似專登帶咗眼鏡扮斯文 」，加上年近歲晚，大家應多加小心財物，「而家香港危險過大陸好多，咩人都可以落嚟，大家要小心啲」、「過多一兩個月農曆新年，治安肯定仲差，爆格打劫，假和尚化緣，專才街頭賣唱」。
↓點擊圖片放大↓
【熱門報道】
【精選消息】
Source: Threads