在香港乘的士完全是運氣測試，例如「過海不載」、「要交更不載」的司機都是俯首皆是。最近有網民在 Threads 出 post 提到在東涌陪負腳傷朋友搭的士時，就遇上「上客後但嫌短途畀說話你聽」的司機。這位司機疑不滿路程太短，不只責罵：「咁細個應該行路唔應該搭的士」，後當樓主不忿還口時，司機更直接爆粗回敬，連職業道德都不顧。
即刻按此，用 App 睇更多產品開箱影片
的士司機疑不滿太短途鬧客兼爆粗
有網民在 Threads 出 post，提到在東涌陪負腳傷朋友搭的士時遇上了特別的的士司機，且錄下司機責罵他們的片段。樓主表示這位司機疑不滿路程太短，「無啦啦開始鬧人」，然後當朋友解釋「因為扭親腳所以先搭的士」時，對方都繼續責罵：「咁細個應該行路唔應該搭的士」。隨後樓主不忿還口時，司機更直接爆粗回敬，單是聽聲都感到相當嬲怒。
對的士司機極不滿
對於的士司機以上的行為，基本上大部分網友都感到相當不滿，並着樓主應投訴。「叻女識得影低的士證，支持投訴」、「你唔告佢，都要 port 到佢扣分。其實以依家 threads 嘅力量，你先網上報案。後面啲野，自然其成，你唔洗煩好多嘢。畀 DC 佬指住黎鬧，點解要忍」、「錄低對話，記錄時間，影低司機證件 1823 佢」，以及「希望多啲人知道，遇到呢啲的士司機，拍咗片係可以投訴，鬧客人係違例事項，盡快投訴早日清除呢啲 X 街司機」。此外，也有網友提到：「所以不要再問為何香港的士行業服務已沒落了」、「有病痛唔方便一律 call uber 關懷優步」、「點解會造就 Uber 同白牌車出現，都係依啲的士司機自己搞死自己。有客又嫌車程短，無客又怪人哋 Uber 搶晒啲生意」。
竟有留言體諒的士司機？
之不過，在一眾鬧爆的士司機的留言中，居然有人表示應對的士司機予以體諒，「後生唔識嘢就唔好亂講嘢啦！的士拒載犯法㗎，佢為咗搵食，幾唔想車都只能硬食。再講，如果喺啲大站上的士，人地排咗成條隊可能都大半個鐘頭，一個短程返嚟又要再喺隊尾排過，真係好慘㗎」！當然，這個留言一出後，亦被不少網友反擊得體無完膚，例如：「我搭的士要方便個的士佬，而唔係方便我自己？」、「而家係咪坐個車都要幫個司機諗埋發達大計？我哋作為乘客，使唔使幫佢畀埋屋租伙食水電煤先有資格坐短途呀」，以及「排站就唔好揀客，要揀客就咪 X 排站」等。
【熱門報道】
【精選消息】
Source: Threads