運輸署在去年 1 月 13 日起於香港牌照事務處和九龍牌照事務處各增設自助服務站，讓需要申請國際駕駛許可證（即「國際牌」）的朋友可以自助方式，一次過在此處理及即日取證，帶來多一個便利的申請模式。署方表明，「如文件齊備，申請人可於 1 小時內領取」。事隔自助服務站推出 1 年後，有網民在 Threads 出 post 大呻「國際牌」自助服務站實際上不及署方所提的便利，且直言：「都幾肯定，親身去櫃位搞一定快過呢部自助機」。
即刻按此，用 App 睇更多產品開箱影片
運輸署「國際牌」自助服務站實際上更費時？
最近有網民在 Threads 以「警世！攞國際牌千祈唔好用自助服務站！」為題出 post，提到「初頭以為部機同入境處換護照嗰啲差唔多，一排機自己整完就可以等攞，去到先知原來成個場得一千零一部機，然後外面都係有個職員登記同教用部機」之外，也因為「要 scan 地址證明同影相，信用卡畀錢又要入一大堆資料」，所以平均都需時10 至 15 分鐘才做完 1 個 case。樓主認為，與現時預約櫃位服務的人龍相比，「自助機仲等得耐過真人」，甚至如前面有 2、3 人等候申請的話，「就要坐足半個鐘」。
更費時的事竟在後頭？
樓主也提，雖然使用自助服務站申請完成後 15 分鐘左右已經收到領「國際牌」短訊，確是比官方所提的「1 小時內領取」更快，但原來更費時的事情是在後頭，因為「攞證係要去返櫃位，同即日補文件嗰啲人排同一條隊，即係話啲代辦補件、搞粵車南下補極都唔齊件嘅家人們，都係同你排同一條隊」，如是者「淨係攞證都排咗 20 分鐘」，所以都幾肯定：「親身去櫃位搞一定快過呢部自助機」。值得一提的是，樓主在 comment 都有提：「公道講，入境處攞 passport 嗰部機真係快靚正又唔使點排，有比較有傷害」。
網友提議其他更快方法
有網友看到樓主的經歷後，坦言有其他更快方法可以申請「國際牌」，例如用智方便，又或者「預足到期日子上網搞等佢寄嚟算啦，有自助機一樣要親身去，一樣要就運吉嘅開放時間」，不過都不忘補充一句「一向用正苦自助野都係交智商稅架啦，有支票投遞最好，快靚正」。另外有網友贊成設立更多自助服務站，「呢部機最大嘅好處，就係唔駛喺預約櫃位打蛇餅，又慳咗影相嘅錢去 counter」，唯一缺點是「基於 IDP 嘅簽發規則，佢應該都幾難做到全自動發出。」
【熱門報道】
【精選消息】
Source: Threads