座駕泊在停車場被 hit & run（交通肇事逃逸）的情況，在香港不少停車場是時有發生。有網友早前在 Threads 出 post 分享自己的 Tesla 電動車慘被 hit & run，從圖片可見 Tesla 電動車車頭確是損毀嚴重之外，更甚的是對家車主竟在事發之後，樓主報警一段時間後才出現，並坦言自己趕着做 1 件事，做完才「補飛」。
即刻按此，用 App 睇更多產品開箱影片
Tesla 電動車泊停車場慘被 Hit & Run
有網友早前在 Threads 出 post 提到，自己的 Tesla 電動車泊在黃大仙南館停車場期間慘被 hit & run，「返去拎車見到成個車頭爛晒」，對事件大為無奈之外，更表明對家車主「冇落車睇冇報警冇留紙，都幾肯定佢一定知道撞到，因為佢架車撞埋嚟嗰陣佢同我架車都彈咗彈，死火燈都着埋」。同時樓主亦公開了對方車牌號碼及表示報了警，以及隨後在 comment 部分提到報警後 30 分鐘「車主跑返嚟搵我」，解釋「趕住去黃大仙拜神」，令樓主有感「所以明知撞到我架車都拜完神先返嚟」。
車 cam 片直擊案發經過
在留言部分有車主留下車 cam 影片，讓大家更為清楚看到樓主的 Tesla 電動車被 hit & run 的經過。從影片可見，當時一輛平治 Mercedes-Benz SUV 正在泊最左邊的空位，但期間需多次調整入車位置，並在最後一次入車時撞倒 Tesla 電動車的右車頭及順勢離開，剩下 Tesla 電動車不斷閃着死火燈。
網民強烈建議報警及不和解
網民看到這個 post 後，強烈建議應報警處理，以及不能和對家車主和解了事。「報警先，警察會問停車場拎 CCTV 之後打俾車主叫佢過嚟，到時候你慢慢同佢玩」、「影到佢成幅左尾沙版撞完你花 X 曬，走唔甩 」、「一定冇得和解，h&r 一定返原廠整」、「預着呢啲唔洗諗啦，唔好手軟返原廠整，仲要計好無得揸車嘅日子。慢慢同佢計」。有網友認為對家車主駕駛態度都相當有問題，「Tesla 周身 cam 都敢 h&r，條友真心痴線」、「呢位司機真係好嘢，出車完全唔使望鏡睇下夠唔夠位就直扭出去，停都無停...」、「咁樣出車都可以撞到人地車頭⋯⋯拎返個牌出嚟啦」。此外都有網友分享自己愛車過往被 hit & run 的經歷，「喺澳洲泊自家停車場兩個月內比人撞兩次」、「幾年前俾人 total 咗部車，對家唔肯賠，claim 保險搞咗年幾先 claim 得 3 皮嘢」，並着樓主小心對家車主可能是無賴一名。
【熱門報道】
【精選消息】
Source: Threads