不知各位駕駛者有否發覺，近來在網上流出的車 cam 片有不少是跟中港車，又或者在高速公路或隧道逆線有關。昨日（18 日）有網民在 Threads 出片提及自己遇上的士大模廝樣隧道逆線的片段，更直言「好彩隔離線冇車咋，如果唔係命仔都冇埋」…確是單看影片都有點驚驚！
即刻按此，用 App 睇更多產品開箱影片
的士隧道逆線網民着必定要報警
從網民在 Threads post 的影片可見，當樓主自己正靠左線行駛，差不多到達隧道分岔路時，突然有一輛的士公然逆線進入隧道內，迫使其需突然避車，並改靠右方沿將軍澳站的指示牌行駛，漸漸離開隧道。樓主坦言：「好彩隔離線冇車咋，如果唔係命仔都冇埋」，確是令人膽氈心驚。由於樓主車 cam 並未拍得的士車牌，因此不忘警世：「車 cam 記得買高清」。縱然如此，但不少網民皆建議必定要報警，「睇唔到車牌唔緊要！報警阿 sir 會同隧道公司攞片睇，全部高清拍攝冇得走！不過就麻煩啲要落一份口供」、「影唔到可以試吓照報，上次有個 80 歲的士司機逆線都俾人拉咗」、「請你一定要報警呀，冇車牌都有閉路電視啊，請你救吓我哋呢啲駕駛者啦，多謝大哥」。
關注的士司機質素下滑
另有網民提到，近來的士司機質素似乎每況愈下，「而家揸的士係咪唔使考試？點解不只一次見到的士揸到好似南下司機咁」、「之前有上過架的，講唔正廣東話、唔識路、Google Maps 都唔識睇，最後行錯哂路要我用 Google Maps 聲控」、「係咪大陸仔揸的士，咁 X 唔正常，仲要唔係慢慢行又唔收油」、「發唔發覺近年特別多的士反方向開…以前都無咁誇…係咩人真係心照 」，並質疑「個的士牌點考返嚟」？
↓點擊圖片放大↓
【熱門報道】
【精選消息】
Source: Threads