港府安全帶新修訂規例已於 1 月 25 日（星期日）正式實施，基本上這些日子大家一打開各大社交平台，必定有人大罵安全帶新例不切實際，沒有考慮乘客乘巴士或小巴等公共交通工作的操作需要。不過每次政府新例一出，必然有官員出來護航，今回也不例外，就像道路安全議會成員李耀培昨日（26 日）在電台節目表示「強制佩戴安全帶非為懲罰市民，目的是保障乘客生命安全」。只是，李耀培提出的重點都是網友完全不認同之外，甚至有人鬧爆：「唔駛講咁多，叫佢出來示範」。
即刻按此，用 App 睇更多產品開箱影片
李耀培回應安全帶新例網友整合 7 大重點
道路安全議會成員李耀培昨日（26 日）在電台節目回應安全帶新例，其中提到「強制佩戴安全帶非為懲罰市民，目的是保障乘客生命安全」，但在節目後就有網民在 Threads 以《這位李耀培好似嫌啲乘客未夠火滾。》為題出 post，並整合其回應的 7 大重點，細節如下：
- 安全帶就好似出街鎖門，鎖門動作係多咗，係咪唔鎖門即刻出事呢？其實唔會，但市民只要上鎖就可以安心，賊人唔會咁容易入屋。
- 如果鄰座乘客要落車，坐近通道嘅乘客係咪要除下安全帶讓位呢？按我觀察，市民只要將腳縮一縮、移一移，就可以方便對方出入，唔需要成個人企起身或者除下安全帶。
- 孕婦先用右手握着安全帶，要拉闊啲，然後將安全帶箍在喺個肚下面，而非肚中間，就唔會好似坊間所想咁勒住個肚。
- 如果仲係感到不適，就應該用右手握着安全帶，處理好安全帶的鬆緊度。
- 小朋友只要用右手握着安全帶，拉返鬆一啲，就可以避免安全帶勒住條頸同塊臉喇。
- 長者唔好匆匆忙下車時先除安全帶，要熟習預早除安全帶，走到通道一個適當位置等候落車。
- 司機見到孕婦長者上車，要謹記開車前先從倒後鏡察看車廂，確保孕婦長者扣上安全帶先好開車。
網友回應「叫佢出來示範」
不少網友看到李耀培回應安全帶新例後，有感其不知民間疾苦，「應該叫佢出來示範，記得拎住幾袋野試」、「麻煩你拍片示範下點樣唔使企起身讓鄰座乘客落車，比我哋學習下呀！唔該」、「由向來唔會坐巴士嘅高官等口水友教人點樣䌫安全帶，咪即係同和尚師姑教人梳頭一樣囉」，又或者呼籲其全家一同實例相關操作，不要紙上談兵。另有網民認為李耀培的「安全帶就好似出街鎖門」論是比喻不當，更反問：「出街唔鎖門要唔要罰錢同坐監？」以及是否想曲線宣傳多搭港鐵？此外，有網友覺得：「只要撤銷罰則，做多啲公民教育教市民安全帶嘅好處，我相信大部分人會接受同嘗試。」然而「而家係指鹿為馬，仲迫人認同佢觀點」，做法的確不能接受。
↓點擊圖片放大↓
【熱門報道】
【精選消息】
Source: Threads