近年不少香港駕駛者常常笑指政府庫房因為要有更多收入，所以多了警察出來違泊抄牌，例如長沙灣永康街這個抄牌熱點是連 TVB 節目《東張西望》都曾介紹。最近同樣有網民將汽車泊在這個抄牌熱點而「被請食牛肉乾」，樓主除了甚為不滿外，更反罵「盲嘅都考到差佬」？
即刻按此，用 App 睇更多產品開箱影片
座駕泊抄牌熱點被請食「牛肉乾」
昨日（4 日）有網民在 Threads 出影片 post，分享自己在長沙灣永康街這個抄牌熱點被請食「牛肉乾」。在影片提及該泊車位是註明 2 小時泊車、上午 8 時至下午 8 時等關鍵字，咪錶上亦有「免費泊車」的字句，因此樓主對座駕被抄牌是非常不滿：「有 X 病呀個錶位 08-20，你 20:43 抄我」？同時也反罵「盲嘅都考到差佬」？
被抄牌有理笑樓主無常識
不少網民看到樓主的經歷後，其實沒有人同情他的遭遇，反而是笑樓主不懂解讀該泊車標誌，「張告票其實係罰你冇睇 TVB 嘅！」、「任何係 0800-2000，2000-0800 係貨車，永康街日常」、「自己泊貨車位仲好意思話人」、「貨車位喎，師弟？乜而家盲嘅都可以有車牌？」、「你自己睇一半唔睇一半，白色牌 8am-8pm 係私家車咪錶位，藍色牌 8am-8pm 係收錢時段，白色牌 8pm-8am 係貨車泊車位，免費」，甚至有留言着樓主「重新考過個牌啦！路標都未識睇」、「攞返運吉處本書仔出嚟，佢有寫點解」！樓主其後都有留言補充自己做錯事 X 了：「邊個諗呢啲分時段計唔同位嘅政策出黎」…
網民分享同一位置中伏
此外，有網民留言表示自己同樣在此中招，「永康街中過一次伏，以後都泊入場」、「我就係泊咗喺你後面，入錶嘅時候仲好開心只可以入到 8 點，諗住食完飯返嚟好開心，點知 X 撚咗，you are not alone」、「貨車位，後面果架都派咗彩。同埋留意下你張告票嘅違例事項係 O8」，以及提到「我都係瓊林街中過先留意到，記得同屋企人分享，下次就慳返」及「後面瓊林街都係 $25/鐘啫」。
【熱門報道】
【精選消息】
Source: Threads