各位家長注意！近年有不少家長會因為學校校車 schedule 不夾，又或者相關費用太昂貴的關係，於是找第 3 方平台月租車輛或司機，以便點對點地接送子女往返學校。不過最近有家長在 Threads 出 post 提到疑似的士車隊有騙子，事前傾妥接送子女出車訂單，以及交了 1 個月車費後，早前想再找司機傾更多 detail 時，對方隨即失了蹤！樓主表明「會報警處理」，並借此 post 提醒其他家長切勿上當。
即刻按此，用 App 睇更多產品開箱影片
家長 FB group 求接子女接送出車訂單
最近有家長在 Threads 出 post 表示，因為自己兒子轉校，因此想找車接送，並在 FB 校車 group 發了帖文求接單，其後在上年 12 月 31 日收到自稱泰和車行的人士 PM，表示「有月租的士或者私家車服務，出埋 invoice 畀我，仲好耐心咁解釋如果請病假會調整價錢，可以試下司機或者車等等」，以及在今年 1 月 3 日收到「我安排電車畀你哋吖」的 WhatsApp 短訊，並附有 JOIE 樂行的士車隊的圖片。
過後樓主上網 check 了真有這間車行，加上「想快啲 confirm 新學校的交通，所以一時無防備，1 月畀左 deposit 1 個月車費」，沒多久就收到負責司機的車牌，名字及電話號碼。
再找司機已失蹤？
樓主表示自己因為 3 月才需要接送子女服務，所以「當時無即時打俾司機確認」。直到早前想再找司機談及更多接送細節時，有關電話號碼已停止服務，聯絡車行方面卻被告知：「冇呢個紀錄，話我係俾人呃左，之前佢哋都收過類似電話」，簡單而言即是樓主已成騙案受害者。是故樓主提醒：「各位家長，千祈小心，如果過數，唔好全數，可能 deposit，最好係過戶口號碼」，以及表明報警處理，原因是「知道可能呢個騙子仲會係其他地方繼續呃人」。
JOIE 樂行的士車隊有聲明
對於樓主的經歷，有網友就貼出 JOIE 樂行的士車隊過往發出的聲明，重點提及有不法份子冒充本公司代表，聲稱可提供的士包車或租賃服務，並要求穿乘客或司機預先付款，亦強調所有的士行程或包車服務，務必透過 JOIE 樂行流動應用程式或致電客戶服務熱線預約，還有就是所有的士租賃服務都會先進行面談及了解，然後才會正式落實，且在正式落實前不會要求任何金錢交易。如懷疑受騙，請即報警處理。
車隊司機：好大機會係騙子
其他留言之中，有網友表明自己是 JOIE 樂行的士車隊司機，「公司 WhatsApp 群唔見有呢個人，好大機會係騙子」。另外也有留言提到：「真的士車行會唔會回答用私家車做單，如果都可以等於用石頭打自己隻腳」、「搵保姆車但同你講私家車同的士」，所以覺得樓主確是遇上騙子。此外，有網民提議「會唔會搵下同屋苑有冇家長車去九龍塘返學呀，畀返 2、3 千大家都有着數」、「寧願每朝 +HK$50 call 的士（實有司機接）， 彈性高，冇合約，唔洗用呢啲『保姆車』」，希望樓主可以考慮一下。
【熱門報道】
【精選消息】
Source: Threads