外置 SSD 價格沒有最貴只有更貴！ Cap 圖證 Samsung 4TB 型號 3 年升價逾半有多

早前有電腦業界人士警告，因應近年 AI 需求激增與供應鏈收縮引致的雙重影響，令全球 SSD 等的硬件市場出現罕見結構性失衡，因此相關產品價格只會是「沒有最貴只有更貴」，而這情況可能會維持一段長時間。事實上日前（20 日）有網民在 Threads 分享 Samsung 4TB 外置 SSD 的 3 年前後售價比較圖，可見如今產品售價升價近倍，增幅的確很誇張。

即刻按此，用 App 睇更多產品開箱影片

Cap 圖證 Samsung 4TB 外置 SSD 售價暴增

這位網民日前（20 日）在 Threads 出 post 提到「執相簿發現 23 年 12 月 cap 過 1 張 Samsung 4TB SSD 嘅價位，望返有啲傷心，決定 cap 多張今日價位」，以及在留言補充「當年買都已經覺得有啲肉赤，而家更加唔會買得落手」。無他的，從中可見 2023 年 12 月的產品行貨價格只介乎 HK$1,800 至 HK$2,399，但如今已是暴增至 HK$2,799 至 HK$4,000。以最貴價位來計，即是 3 年來加價 HK$1,601，增幅超過 2/3 ，達 66.7%。

↓點擊圖片放大↓

留言表示「好在入定貨」

正因現時 SSD 價格是看不見最高點，因此有部分網友留言表示「好在入定貨」，「好彩收埋咗啲存貨，都唔知頂唔頂到跌價」、「由 5 年前開始每年都會買一隻T7，今年掙扎緊仲買唔買」，以及「我要多謝當年嘅自己，就算貴都堅持有大買大」。這位網友更貼圖表示「24 年 11 月趁 black friday 嗰陣買」，見到售價只是 US$263.44（約 HK$2,059），難怪樓主都回應「計返係咪 2 千鬆 HKD（?）同而家差太遠」，且更加上大哭 emoji 來強調。

↓點擊圖片放大↓

後悔沒有「早買早享受」？

可能有不少人沒預期近年 SSD 產品價格可以急增至這樣子，所以有部分留言表示後悔沒有「早買早享受」，「上年年頭叫老闆買 2 隻 4T for Mac studi 做嘢，叫極都冇買，而家要兩倍價錢 XXX」，另亦有留言指：「記得呢啲貨嘅舊價，宜家真係有錢都唔買唔落手」，因此樓主都附和：「係，相比起錢嘅問題，更大問題係你記得佢之前平好多，過唔到心理關口」。

↓點擊圖片放大↓

【熱門報道】

【精選消息】

Source: Threads