人們常說：「阿婆走得快，肯定有古怪」，而在日前（20 日）網友在 FB 群組分享的車 cam 影片正是體現了這情況。從影片可見，有躲在巴士後方盲點的婆婆明明見到樓主的私家車駛前，都要快步衝出橫過馬路，完全沒有停下來的意圖，似是不怕被車輛撞個正着，認真危險。
即刻按此，用 App 睇更多產品開箱影片
婆婆突快步衝出路面過馬路司機險撞到正
有網民於 FB 群組分享了車 cam 影片，可見有躲在巴士後方盲點的婆婆，明明看到自己的私家車駛前，都要快步衝出橫過馬路，若然車速快一點的話，就必定會將其撞倒。因此都借此 post 警世：「香港法例永遠都保障行人，唔係司機」，以及「屋企有老人家，麻煩提吓佢地，唔好再橫過馬路。你覺得自己條命唔重要都唔好害人」！
網友直言下次不會如此幸運
有網友看到這個 post 後，坦言「呢啲阿婆，今次你停得切，佢就過到個年， 下次泥鬼停唔切， 就年都過唔到喇」、「咁樣過馬路過到初一 都過唔到十五，如果係大車 唔係話收就收得到」、「好在嗰個係你！比著第 2 個 X 衝司機…佢個年喺醫院過喇」、「個阿婆以為自己好快，其實係你讓佢」，有感這位婆婆下次不會如此幸運。另外亦有網友覺得近來多了不少人亂過馬路，「而家啲人好痴線， 好似唔望就撞佢唔到咁」、「而家好多都係咁，好多都係衝咗出嚟先算，覺得會快過部車」、「其實都唔只老人家，而家啲小中大學生都係咁」，以及認為司機駕車都需常常保持警覺，「好彩片主見到隔離車龍多盲位，收慢咗來行，唔係對錯嘅問題，係保障自己。啲死廢老真係害人害物」、「我都經常駕車經過這類路面， 當對面線有巴士或小巴落客，前前後後好有機會會有人衝出來過馬路，所以要收慢和小心」。
亂過馬路需處以罰款
亂過馬路除可令個人安全受到威脅外，還會違法。據香港法例第 374G 章—道路交通（交通管制）規例第 39 條所提，任何人士以違反以下其中一個個規定，即屬違法，可被處以第 1 級罰款 HK$2,000。
a．不得在以下情況橫過馬路─
(i) 身處斑馬綫控制區內，但卻不在斑馬綫上；
(ii) 身處距離交通燈控制的過路處15米範圍內，但卻不在該等交通燈所運作的過路處；
(iii) 身處距離行人天橋或行人隧道或該天橋或隧道的任何部分15米範圍內，但卻不使用該天橋或隧道；或
(iv) 違反穿著制服的警務人員、穿著制服的交通督導員或學校交通安全隊員的指示；
b．不得在過路處停留超過行畢該過路處所需時間；
c．不得攀越或穿過任何路邊圍欄或中央分道帶而進入車路；或
d．不可不遵從圖形（124, 125, 126, 137 ,159）所示類型交通標誌所顯示的規定。（1987 年第 242 號法律公告）
【熱門報道】
【精選消息】
Source: 馬路的事討論區 Facebook