Tesla CEO、xAI 創辦人 Elon Musk 久不久就有豪言被網民熱論，今回他被熱烈討論的議題是在近期 xAI 內部全體會議提出的震撼性預測。他提到於今年底，AI 人工智能可直接從自然語言描述，生成最佳的二進制檔案 binary file，完全省卻傳統程式撰寫及編譯等中間步驟，簡單而言就是程式設計行業將被 AI 取代。
即刻按此，用 App 睇更多產品開箱影片
Elon Musk 預測「今年底程式設計行業將被 AI 取代」
目前主流軟件的開發流程是人類撰寫原始碼 source code，之後透過編譯器轉換成二進制 binary，然後執行，但 Elon Musk 於這會議上提及的轉變是自然語言描述 prompt，然後 AI 直接產生最佳 binary，之後執行，並強調中間的步驟將完全不需要。同時他亦提，xAI 旗下的 Grok Code 模型在未來 2 至 3 個月內即可達到業界最前瞻水準，成為 coding 範疇的領先工具，亦意味 xAI 將業務細分 Grok 主模型與語音、編碼、影像生成及 Macrohard 等多個團隊，是想全力進軍多模態與實用 AI 應用。
網民不同意 Elon Musk 所言
不只外國，連香港網民都熱論 Elon Musk 以上操作，且認為當中會存在問題，例如「整個 binary blackbox 出黎冇人會夠膽用，legal audit 都一定會 ban 呢類 code」、「做錯嘢點 trace」、「咁點樣 debug 同做 main？追唔番啲 code」。另外有網民認為 Elon Musk 過去的言論是吹水居多，相信今次都不例外，「條友年中都預測幾多嘢，有邊樣係成真 」、「吹水佬講野等返 10 年 8 年啦」、「講左咁耐 L5 自動駕駛搞掂未」、「個垃圾 grok 都唔夠人鬥啦，仲預測」。
將來未必無可能？
之不過，有部分網民則認為 Elon Musk 所提的情況，在將來未必不會發生，「Bill Gates、Tim Cook、朱克伯格，甚至皮褸佬講，都可以唔信，呢條友講就好大機會實現，火箭回收就示範咗」、「傳統高階程式語言 3GL 4GL Pascal C C++ 早已經係compile 出 machine code 冇咩驚奇」，以及有留言提到相關技術已存在數十年：「有玩開 database 都應該知，啲 sql query 唔係直接執行，條 query 其實係個 spec 個 database 接到你條 sql 係會分析咗先，再出個 plan 去執行，即係即時寫個 program hui 執行你條 sql」。
【熱門報道】
【精選消息】