電話詐騙及 WhatsApp 騙案極度猖獗，特別是假冒公安或香港警察的手法層出不窮，令市民防備心極高，手機更必備防騙視伏器。不過，防備心太高有時也會引發令人哭笑不得的「公關災難」！近日成為網上熱話的一宗趣事中，一名港女收到自稱「中區警署」的 WhatsApp 訊息，因為對方打了一個簡體字，令她深信遇上騙徒並破口大罵。誰知劇情 180 度大反轉，對方竟是貨真價實的 CID 探員，事主其後更要親身上警署與被罵的阿 Sir「相認」，堪稱年度最強「社死」現場！
說到香港近年最猖獗的騙案，必定是假冒執法人員。警方日日宣傳防騙，大家的防備心都提到最高點！近日 Threads 上就有女網民分享了一段超級「社死（社會性死亡）」的親身經歷，不僅引爆香港網民共鳴！
見簡體字「区」事主覺得是國內詐騙
根據 Threads 用戶的分享，事主早前收到一個陌生的 WhatsApp 訊息，對方劈頭就自稱是「中區警署」的警員。
對方在訊息中竟然使用了簡體字，將中區警署打成「中区警署」！由於這完美命中了詐騙集團的常用特徵（海外號碼／不明來歷 ＋ 簡體字 ＋ 自稱公安或警察），事主理所當然地判定對方是騙徒。她不僅沒有理會，還立刻「火力全開」，用極重的語氣怒罵了對方一頓。
據事主分享的Threads截圖，一名警員主動聯絡樓主，開場白寫住：「你好，中区警署警察」、「方唔方便倾个电话」。由於警員使用咗簡體字嘅「区」、「倾」同「个」，樓主即刻以為係詐騙集團，毫不客氣咁連環爆粗反擊：「你翻屋企含X」、「我去中區中出你」。
真香港警察電話留言 事主驚覺罵錯真阿Sir
就在事主以為成功擊退騙徒、為民除害時，劇情卻迎來了大反轉！
呢位阿Sir繼續講正經事：「關於你之前報個單案件」。樓主半信半疑下要求對方畀 Office 電話，阿Sir隨即畀咗一個「3660」字頭嘅號碼，仲話「我頭先有留言俾你」。
樓主翻查來電紀錄同 Whoscall，發現早前真係有「3660」同「3661 1600」（顯示為中區警署）嘅未接來電。意識到自己「鬧錯真差佬」兼真係自己報過案後，樓主唯有道歉：「OK唔好意思，啱啱以為詐騙」。
這位經 WhatsApp 找事主的竟然是貨真價實的 CID（刑事調查隊探員）。
事主事後在 Threads 上發文：「各位Ching threads下留情 阿Sir睇到了...我7到入中區」。網民就搞笑回應：「去到同阿 SIR 講：對唔住，頭先語氣重咗少少。」
網民熱議：唔怪得事主 防騙防到杯弓蛇影
超尷尬經歷在 Threads 吸引咗超過 7 萬次分享同過千則留言。網民睇完不但無怪樓主，反而覺得好好笑。網民紛紛表示「唔怪得你 佢打殘體字」、「用得簡體字就預咗俾人屌啦」。仲有人分析指出，阿Sir用咗「傾」呢個動詞，第一下真係好難令人信服。
「這絕對不能怪你！現在詐騙案多到氾濫，誰看到簡體字加自稱警察不會起疑心？」、「全民防騙防到入骨，你做得好啱！」
有網民笑指阿Sir「完全無視你嗰兩句野 笑死」。仲有人打趣話：「呀sir 應該感到好安慰 市民咁有警覺性」。不少網民讚嘆樓主嘅豪邁：「笑到X街 樓主仲要女人嚟， 女俠受我一拜」。「阿 Sir 當時被鬧的心裡陰影面積有多大？」、「上到去認親認戚嗰下真係終極社死現場 」。
香港警察真的會用 WhatsApp 嗎？
其實在實際運作中，香港警方的確有可能為了方便聯絡報案人、證人或索取車 Cam 影片證據，而使用警署的公務手機透過 WhatsApp 與市民溝通。
不過，若大家對對方身分有任何懷疑，最安全的做法是絕對不要直接提供任何個人資料或過數。你應該直接致電所屬警署的報案室（可在警務處網頁查閱官方電話），要求核實該名探員的姓名與職級（UI 號碼）。
Source︰Threads
【延伸閱讀】