日本上網卡實測2026｜每日100GB約$10有交易 旅行全家玩到盡都OK？

計劃去日本自由行，上網卡係必須解決的問題。今次筆者親身帶住 Trip.com 日本 eSIM 去日本實測足足 7 日，為大家拆解真實使用體驗——速度、穩定性、覆蓋、性價比一次過交代清楚方案係在 Trip.com 購買的日本 eSIM，揀咗 6 日每日 100GB，total 費用只需約 HK$64，配合啟用時間控制（每 24 小時為 1 日），完整覆蓋整個 7 日行程。

今次實測方案：Trip.com 日本 eSIM

今次選購的係 Trip.com 日本 eSIM，方案詳情如下：

購買及啟用流程

整個購買流程在 Trip.com App 或官網完成，選好日本 eSIM（Trip.com 上有多款日本 eSIM，受測版為此連結的方案，APN為SmarTone）並付款，系統即時發出 QR code。掃描 QR code 後，iPhone 或 Android（支援 eSIM 機型）可直接下載 eSIM 設定檔，毋須換實體卡，全程唔需要等郵寄。

筆者建議在出發前於香港完成 eSIM 下載，抵日本後先啟用方案，計時從啟用當刻開始，6 x 24 小時後到期。以 7 日旅程計算，到埗日啟用、回港日到期，時間控制得好可以做到 full coverage，今次實測就係用呢個方式，完整覆蓋 7 日行程。（6月28日晚上6時抵達日本，7月4日晚上6時離開）

實測速度：首 1GB 高速達 400Mbps　限速後 10Mbps 夠唔夠用？

根據筆者今次日本實測，速度表現如下：

每日首 1GB 高速期：下載速度實測接近 400Mbps，屬 5G 高速水準，刷新 Google Maps、載入 Instagram、即時使用 Google 翻譯相機功能均極為流暢。

首 1GB 用完後限速 10Mbps：限速後速度降至 10Mbps，乍聽之下擔心，但實際使用起來比預期流暢得多。10Mbps 可以做到以下事情而完全冇問題：Google Maps 導航、Google 翻譯文字及語音、WhatsApp 文字及語音通話、Instagram 及社交媒體瀏覽、YouTube 720p 串流、乘車資訊查詢及購票（乘換案内等）。就算小朋友要煲 YouTube 串流，都完全唔需要擔心。

值得一提的係，其實 99GB 的限速 10Mbps 流量，按 10Mbps 網速計算，理論上也不會用得完，等於每日「無限流量」使用，只係速度封頂在 10Mbps 而已。

覆蓋範圍：7 日行程實測地點

今次 7 日行程走訪多個城市及地區，以下係實測覆蓋情況：

• 東京市區（池袋、銀座）：全程穩定，地鐵站內及月台亦有訊號
• 東京郊外（鎌倉）：覆蓋良好，自駕時，高速公路部分路段訊號略弱、跌落4G，但仍可使用
• 大阪市區（道頓堀、心齋橋、梅田）：全程穩定
• 室內場所（百貨公司、餐廳、便利店）：基本全覆蓋

整體而言，日本主要城市及旅遊景點的覆蓋令人滿意，此 eSIM 使用的 KDDI 5G 網絡，絕大部分時間都有穩定網絡連接，完全可以應付旅途所需。

適合誰買？不適合誰？

非常適合：

• 預算有限、希望以最低成本解決日本上網需求的旅客
• 怕被限速128kbps - 512kbps 的用家
• 支援 eSIM 的 iPhone 或 Android 用家

需要考慮：

• 希望全程維持高速的重度用家，建議選購每日高速 quota 更大的方案
• 覺得 10Mbps 限速仍是慢的用家
• 使用舊型號 iPhone 或不支援 eSIM 的 Android 機

今次 7 日日本旅程，Trip.com 日本 eSIM 6 日 100GB 方案（約 HK$64）實測表現令人滿意。小編最後用了近 50GB，網速也在正常水平。不過要留意的是，它使用 SmarTone APN 並以香港 IP 提供數據漫遊服務，若想用 ChatGPT 或 Claude，就要另行使用 VPN 連接了。

Source：ezone.hk