對於一些新興行業或職位來說，老一輩的阿爸阿媽就未必會明白其工作內容，就如 Facebook 管理員一職般，真的不知如何解釋返工要不斷玩 Facebook，還要被父母說返工冇嚟正經掛住玩。事實上，原來舊有行業如廣告界般也一樣，其實父母輩也不知仔女做甚麼，因此有廣告公司就搞一個「家長日」，邀請員工帶同自己的父母一同開工，感受仔女在做甚麼工作。
而這間廣告公司對這個家長日也甚有創意，發出像中學般的家長日邀請函，誠邀各位家長與子女一同上班，兼且解答「究竟你返工係做乜野架？」、「全日返工係到諗橋唔洗做野咪好歎？」、「點解又咁夜叫工？」、「女仔人家整到啲皮膚差晒。」及「你係咪即係做舖頭啲廣告膠牌架？」等各種問題之餘，仲要簽回條帶返公司，兼要有家長簽名作實。
【精選消息】
【精選消息】
聽落已經夠晒「盞鬼」，而識睇當然睇留意，其 Facebook 網民留言仲搞笑，有網民留言問當日家長日會否禁講粗口！又有網民留言，會唔會叫父母一齊感受下比客 X 嘅滋味，又或者感受一下仔女係咁畀人鬧。也有網民留言表示有病，真係帶埋老豆老母一齊 X。之不過，大部分網友也表示讚好，兼且還想有 Facebook live 做直播呢！
