的士司機憎 Uber 搶客係人都知，但見到 U 字就等於 Uber，又是否太神經緊張呢？話說有的士司機在的士 Facebook 群組中，上載一幅藝人容祖兒（Joey）的 IG 截圖，並於群組中留言表示「唔好玩啦五分鐘都唔等啦，幫烏龜爸（Uber）買廣告？」但只見 Joey 的 IG 寫道「Taxi 45 分鐘 Underground 15 分鐘仲駛揀嘅」。
咦！Joey 講緊嘅係 Underground 即地下鐵，而非 Uber 喎！難怪是的士大佬太緊張，將所有 U 字當 Uber 看？還是真的是不懂英文呢？難怪此 post 一出即被網民瘋狂恥笑兼 share，留言「Onx 仔都算極品」、「DC 自取其辱」、「細個唔讀書，大個做運輸，真係冇錯」、「祖兒躺著也中槍」等。更有疑似的士行家留言「影衰晒的士司機」。
【精選消息】
【精選消息】
而的士大佬亦知衰，已經急急刪走此 post，兼認衰仔留言「係我錯 ok」，但仍敵不過網民的截圖兼重 post。事實上，只怪的士大佬太心急上載相片，其實細心一點，毋須懂英文，也會見到 IG 上的容祖兒是搭緊地下鐵呢！
Source：的士司機資訊網 Taxi