港人習慣生活節奏急速，學習、娛樂和工作向來講求「質優量多」，甚至連海外旅行也不例外，能夠在有限時間內去得愈多景點，行程自然愈「抵玩」。復活節旅行旺季即將來臨，最近有港媽在 Facebook 群組內，分享「6 大人 4 小朋友」的超級日本沖繩旅遊 5 天自駕遊行程，總共遊覽景點多達 34 個，並詢問網友對行程計劃的意見。行程準確地預算好每個景點的停留和行車時間，準確程度達致每分鐘計算。已為人父母的讀者，有信心仍有魄力在小朋友隨行的情況下，應付以下行程嗎？
【精選報道】
【精選報道】
網民意見
- 網民 A：行程第一日，攞車之後問點用GPS，再行錯路，第 1 日 GG 了！
- 網民 B：我覺得佢地係旅行青蛙，影張相返黎交差就算。
- 網民 C：可以去 HXTVMAXL 應徵！
- 網民 D：行程仲緊湊個旅行團！
- 網民 E：慘過行軍，沖繩好細，其實唔駛咁趕。菠蘿園我建議你 Skip 咗佢，好把向左走向右走！
- 網民 F：屙尿點解唔寫清楚？你一篤尿就整到其他 9 個人少左 1 分鐘食飯！
- 網民 G：水族館行 1 個鐘？佢唔知個館有幾大？暖暮你話食就有位？知唔知成日排隊？
- 網民 H：呢啲人通常比預期遲左 1 分鐘都會發晒脾氣！
- 網民 I：揸車嗰個仲大壓力過揸巴士......預計 4 分鐘嘅車程，你過唔到枝燈就 High High 啦！
- 網民 J：6 大 4 細，4 個只要係輪流開大，已經令成個行程 Delay！好慘呀！
- 網民 K：第一行已經笑到 High High......開車：10分鐘，你唔使泊車嘅，車位唔使搵嘅，響停車場搵車都要時間啦！
- 網民 L：建議返每人都用尿片，慳番啲去廁所時間！
- 網民 M：以我多年去旅行經驗，佢呢轉旅行，最少岀現...... 1. 辛苦過返工 2. 一定有交嘈 3. 預留時間太少（搵返部車、搵路、突發事件等等）4. 疲勞駕駛
Source：小心駕駛(討論別人駕駛態度) Facebook Group、日本國家旅遊局（主圖）、ezone.hk