早前網絡瘋傳香港將會出現「黃色」救護車，如今「黃車」終於正式登場，並由今日起調派至不同的救護站試行 8 個月。消防處今日正式公布這 3 輛「概念救護車」，其外表與其他救護車相若，而新車就採用歐盟標準的救護車專用黃色，車身四面印有「救護」字樣，每架造價 100 萬元。
雖然「黃色」救護車外形上除顏色外，就沒有太大變動，但車廂內裡就與以往舊車不同，採用置中抬床設計，讓救護員可於不同位置為病人提供治療。另外，駕駛室與車廂完全分隔，司機與救護員要透過窗戶或車內對講機溝通，為此保障救護員行駛時的安全。
【精選消息】
【精選消息】
對於新的「黃色」救護車，網民都有讚有彈，讚的是表示消防處還選用 Benz 品牌，而非國內品牌，有保障得多。之不過，有網民就難以明白點解沿用多年的「白色」，要改用「黃色」，還搞笑問道日後是否要改口 call「黃車」。但也有網民留言其實英國的「白車」也改用黃色，由實用角度來看睇唔到改色有咩問題，又大讚 100 萬造價夠晒抵！
部分網民留言
「以後要改口，Call 黃車」
「大英祖國啲白車都係黃色，從實用角度改色有咩問題」
「用開就唔好轉啦，一陣盲毛司機阻路又話唔知係白車」
「一百萬個價錢都 ok 喎」
「好彩仲用 Benz， 無轉 byd」
「警車，高官車可以支持國産。 消防同白車繼續用歐洲車就得」
「Benz 一百萬又幾抵 X」
「白車用 benz 算有良心」
Source：news.rthk、lihkg