在香港要當填詞人，除非去到林夕及黃偉文的神級地位，否則應是 4 個字可以講完：「搵食艱難！」這不是記者亂作一通，而是由填詞人王仲傑在 FB 告訴大家的。事關王仲傑最近在 Facebook 出了一個 post，內容提到「今年因為要幫陸續出版做 record 揭一揭，先發現，嘩，半年 13 萬人次嘅收聽 / dl，換嚟大拿拿 HK$12.21 收入。」，即是大家原來在 KKBOX、MOOV、Spotify 等串流音樂平台聽他的歌曲，他只能收回少到無朋友的歌詞版稅。
【精選消息】
【精選消息】
曾替許廷鏗〈出走〉、C AllStar〈守望時光〉、吳若希〈愛要撐下去〉等歌曲歌詞的王仲傑，更在這個 FB post 自嘲「前輩又話寫一首歌可以食到餐茶餐廳嘅」、「計法複雜過財爺派錢」，可能他看着 HK$12.21 的歌詞版稅 statement，心情經已百感交集。不只他自己，連網民都覺得他的歌詞版稅「少得可憐」、「有無離譜咗啲，咁多人點擊都得十幾蚊」、「太痴線，以前真係幻想過一首歌有幾百蚊，原來已經諗大左 n 倍」。更有網民慨嘆「科技的進步讓好多野彷佛唔再值錢......」、「今年我可能收得幾蚊咋」。或許沒有王仲傑這個 post，大家還以為創作人版稅收入是堅離地的天文數字，但看完這個 post 後，或許不少人會改變這種看法。
精選網民留言：
「少得咁可憐」
「有無離譜咗啲，咁多人點擊都得十幾蚊」
「太痴線，以前真係幻想過一首歌有幾百蚊，原來已經諗大左 n 倍」
「科技的進步讓好多野彷佛唔再值錢......」
「今年我可能收得幾蚊咋」
「低唔低過 YouTube 啲 view pay？」
「唔係好明，48 次有 $1.34, 5 萬幾次得 $3.22? Add oil add oil」
「10,000 人聽，所得版稅唔夠一毫子。」
「太過份啦。」
「派 $12.21 有 13 萬人受惠，政府可以改派歌啦」
Source: 王仲傑 Facebook