對於準新人來講，一生人一次的婚紗相拍得美當然是重中之重。然而市面上有太多婚紗攝影工作室，良莠不齊，所以間中都有新人中伏。近日，有準新娘就用千字文詳細分享了自己的「韓式婚紗攝影」中伏經驗。由於部分相片出來的效果好好笑，結果引起不少網民留言。
女事主花了一萬五千左右買婚紗攝影套餐，而公司表示會用韓國請來的攝影團隊。拍攝當日攝影師能說幾句韓文，而化妝師及助手兼任普通話翻譯，當日沒有燈光師、反光板。最後，他們去了尖沙咀廣東道、南生圍等地拍攝了 2,500 張圖片，交低 500 張相讓事主揀。結果照片拍出來「效果差好遠」、「有啲係眨緊眼，講緊野」、「各色各樣既光線，各種陰影」、「路人個個都對焦得好清楚但我地朦左」、「獨特既構圖技巧」。
例如，影 1881 結果一堆路人、扶手電梯入鏡，毫無構圖；而影人群中接吻就更加可怕，因爲看照片第一眼根本找不到主角。更加有網民形容這是在玩「尋找威利」；南生圍的照片已經比較好，然而構圖、陰影等都出事，出現了不少「陰陽臉」、「鴛鴦面」照片，浪費了美景。
【熱門報道】
【熱門報道】
【熱門報道】
事後女事主要求公司答覆，公司表示這是「韓式拍攝方式，用連拍捕捉最自然既影像再靠後期修圖」，然而「後期修圖唔包陰影」。而事主要求公司提供韓國攝影師的國籍證明，公司卻以沒有韓文輸入法為由「不停推卸責任」。
很多網民都替女事主抱不平，說「啲相不如係室內影綠布仲好」、「同我老公用手機亂咁影差唔多」、「超似偷拍照」、「嗰幾張人群照真係搵唔到你地」、「藝術呢家野，我識條鐵咩」！
然而有網民就認爲，與其跟風潮找一個「韓國攝影師」拍所謂的「韓式婚紗攝影」，倒不如找一個專業的本地攝影師。不少網民和應，表示「話明韓式嘛，影香港景叫港式」、「韓國人馨香啲咩家陣？」、「韓式兩隻字，真係好吸金！」大家又撐哪一邊呢？
Source：巴打絲打 Facebook Club