非禮事件一單都嫌多，但誣衊「屈」人非禮，同樣也是要不得的行為。有網民在 FB 群組中，瘋傳一則巴士疑似誣衊的事件，指一對夫婦帶同囡囡搭 81C 巴士線，其間囡囡因敲櫈發出噪音，而被坐在前方的後生仔望了一眼，隨即囡囡的黑衫父親即鬧該名後生仔，指後生仔「兇」其女兒，又要撩後生仔「打交」。
之後，該名後生仔想落車，隨即被黑衫父親阻止，更將腳伸前阻止後生仔落車，兼且要報警指後生仔非禮其老婆。正當事情愈鬧愈大之際，巴士上的一名目擊整個過程的正義男乘客，表示可以做證，證明後生仔無非禮兼且是黑衫父親「老屈」。黑衫父親見事敗後，本想逃走落車，但卻被後生仔阻止，兼且叫巴士司機報警。當警員來到後，黑衫父親即改口稱該後生仔只是想非禮佢老婆。
【精選消息】
【精選消息】
撰文者則表示，假如當時沒有正義男出面做證，很可能該名後生仔就會被成功「老屈」。事件瘋傳之後，網民紛紛大讚該名正義男。又大罵該名黑衫父親，教壞自己個女之餘，又要拎自己老婆出來話比人非禮，認真無品兼且不是大丈夫所為！更有網民認為做人父母應該要考牌，免得遺禍社會。
部分網民留言
「正義男，我撐你」
「好彩有正義之士出來做證」
「人渣同敗類」
「一個男人走去撩是鬥非又要唔夠人嚟，撐唔掂就搬個老婆出嚟話比人非禮，肉酸到呢」
「忽發奇想，做父母應該要考牌，合格後先可以生得，否則累人累物，遺禍社會！」
「父母咁樣，個妹妹好慘，價值觀會錯哂」
「生出嚟唔教仲要以為做惡霸大晒，點解其他人唔跟住鬧，其實個青年好慘的」
Source：馬鞍山之友