中興通訊 ZTE 與華為 Huawei 均被美國制裁而落得疑似「狗咬狗」下場、讓人想起中國學者混帳的「漢芯」造假事件、早前更有大陸院士怒斥微軟放任盜版導致中國科技發展不滯，一派胡言。
中國弄至如斯境地，空穴來風。網民「愛康健」日前在 LIHKG 討論區發帖，題為「中國晶片發展落後原因」。其詳盡及獨到分析，讓帖子在截稿前已贏得 1,031 個正評，及 18 個負評。究竟中國衰邊瓣？即 check！
「愛康健」在文中主要提及荷蘭 ASML 如何成為當今獨大的浸潤式光刻機製造商；ASML 在過程又如何得到 Samsung、Intel、台積電的幫助，讓彼此獲益。然而，中國的代表「中芯」在當年卻沒有入股 ASML，兼且發展進程混亂。
文中還提到，曾效力台積電的兩個台灣業界傳奇人物：林本堅與梁孟松。「愛康健」對兩個人的形容，最為小記深刻：林本堅，林本堅耶_黎，邊個講耶_出唔到科學家（文字經過處理）；梁孟松，500 個 Patent，真係痴孖根。
網民有 says
- 所以中國都係收收皮先
- 中國投資咗好多錢想自己學整 chip 不過美國唔肯讓
- 我覺得專利呢樣野對支那黎講從來都唔係問題。你睇喬丹可以告返 Jordan 轉頭既
- 呢 D 極細工藝同精細工作,唔關錢事 就算俾齊料你都做唔到
- 其實佢大可以唔認 D 禁運國既技術專利架 不過除非你鎖國 唔係你試下咁玩
【精選消息】
「愛康健」中國晶片發展落後原因 原文
開個新Post，講中國晶片發展
光刻機有好多種，而呢到講既，就係可以生產到最先進 CPU 晶片既光刻機，呢個 Market，而家 ASML 呢間荷蘭公司一間獨大
但 ASML 獨大以前，其實係有 Nikon 同 Canon，由 3 間變 1 間既過程入面，轉折點就係 193nm 浸潤式光刻機開始
以前，所有光刻機都係乾既，無液體參與，1987 年果時，IBM 仲有大量晶片 Foundry 業務，同年，張忠謀創立左台積電，而又係同一年，有個工程師係 IBM 既 Foundry 工廠入面，見到顯微鏡入面既水，產生靈感，提出張光刻工藝浸係水入面既新 Idea，因為當時呢個 Theory 太新，而晶片生產技術又未去到咁前，所以大家都聽住先，無行動。
到 2002 年，IBM, Intel, 台積電都面對同一個問題，就係 CPU 越黎越難做，傳統既 193nm 光刻機，要推進到 65nm 好困難，呢個時候 Nikon 同 Canon 推出左 157nm 光刻機，但效果唔好，果時有人提出用極紫外線 EUV 黎做光刻，有成 13nm，但 EUV 個能量損失太大，果時技術根本未做到。
呢個時候，浸潤式光刻機就變成正確方向，當時 IBM, Intel, Nikon, Canon, TI, ASML 都有興趣，但最後真係做既，就只有 ASML
ASML 主導，台積電提供協助，3 年之後，浸潤式光刻機正式誕生，其它做光刻機既廠即刻落後，相繼退出光刻機業務
當年提出浸潤式光刻機既 IBM 工程師，就係林本堅，1990 年離開 IBM 後創業失敗，再入翻台積電到做
2007 年，台積電用 ASML 既浸潤式光刻機成功將 45nm 投產，同年 IBM 都陸續離開 Foundry 業務
不過 Intel 功力深厚，好快都做到 45nm，當年既排名係咁：
第1： 台積電、Intel
第2： 台聯電、Global Foundry
第3： Samsung
點解 Samsung 可以由當年第 3，跑到今日第 1 呢，又關台積電事，台積電有個總監級工程師，叫梁孟松
梁孟松下面有個 PHD，就係 FinFET 既發明人，將制程進一步推去 20nm 以下，叫胡正明
梁孟松娶左個韓國妹，2009 年離開台積電後就去左韓國成均館大學教書，2011 年入左 Samsung，2014 年底，Samsung 就比台積電快左半年生產 14nm
2011 年開始，台積電就開始告梁孟松涉漏機密
到目前為止，所有 65nm 以下既晶片，都係用同一步 193nm 浸潤式光刻機，Intel, Samsung, 台積電, 台聯電, Global Foundry, 中芯, 華宏，從來都無禁運過，台積電做到 7nm，Samsung 做到 10nm，中芯做到 28nm，完全係工藝同技術問題
而家有部最新既 EUV 光刻機，可以由 193nm 一野減到 13nm，呢個係跳 IFC 式既變化，點解 ASML 可以咁顛？而台積電、Intel、Samsung 又有優先買 EUV 光刻機既權利呢？又要想當年
當年 ASML 想搞 EUV 光刻機，個技術難度係相當大，假若 ASML 將全公司力量都投入去發展 EUV 最後又失敗既話，間公司一定破產，呢個時候台積電、Intel、Samsung 就訓身撐 ASML，係 ASML 股價虛高既時候，買 ASML 股份，再出人幫 ASML 研發，個關係已經唔係單純客戶同工廠咁簡單，係真正生死之交
當然，今日 ASML 已經回購翻 D 股份，但台積電、Intel、Samsung 係參與研發 EUV 既過程當中，已經熟識 EUV 工藝，又可以優先買 EUV 光刻機，台積電、Intel、Samsung 既技術優勢，就係咁黎
【精選消息】
咁點解中國又咁蠢唔入股 ASML 呢？大家睇睇當年中芯搞緊乜
中芯 2000 年成立，創始人係張汝京，係台灣世大既創始人，台灣第三大芯片廠，之後比台積電收購
張汝京之後走出台灣，佢當時有唸過新加坡、香港、上海，最後上海個 Offer 最靚，佢就去左上海，果時香港仲搞緊數碼港呢個地產項目
但之後台積電就不斷告張汝京同中國中芯，話佢地侵權，而張汝京係世大既所有技術，都唔可以用係中芯到，中芯只有同 Fujitsu、Toshiba、Chartered Semiconductor、NXP、Motorola、IBM 買技術授權，但當時佢地已經落後過台積電同 Intel，而且佢地 D 技術係無前途，再向前行多步就會撞正台積電既 Patent
2009 年，台積電勝訴果一日，張汝京離開左中芯，中芯進入混亂狀態，新既管理層為左要穩住公司，就將 Focus 放係生產技術落後既晶片到，減少技術研發既投放
2012 年，中芯要人無人，要錢無錢，要技術無技術，ASML 自然唔會選擇中芯合作啦
而家點台積電又對 Samsung 咁好呢？因為 Samsung 請左梁孟松之後，快過台積電成功到左 14nm，台積電都申請唔切 Patent，就比 Samsung 截左糊，而且 Samsung 又大過中芯咁多，台積電當然唔敢同佢玩啦
【精選消息】
好啦，講今日：
1. 中芯係有 193nm 浸潤式光刻機，但佢只做到 28nm，而且仲係大量"參考"台積電技術
2. 蔣尚義、梁孟松入左中芯，但假若今日台積電或者 Samsung 告中芯既話，好可能又 Repeat 當年張汝京既故事
3. 或者呢一刻，台積電同 Samsung，已經唔再放中芯係眼內，中芯再前行，唔好講技術，剩係個 Patent 都有排煩
未來路，如何走
今次中美既貿易談判，Trump 個切入點係相當勁
正正係中芯挖左當年 Samsung、台積電既猛將過黎，準備大展拳腳時，美國就有以下要求：
1. 停止補貼高科技行業，避免不公平競爭
對於中芯，或者一眾中國晶片公司黎講，佢地都未生產賣得到好價既晶片出黎，佢地做緊既貨色都係二三流野，難有豐厚利潤
你要發展，就必須靠國家補貼，政策傾斜，再不斷挖高手過黎，而美國正正要斷你呢條路
2. 要杜絕侵權行為
台積電、Intel、Samsung 根本就將 28nm 之後既工藝，你唸得到既都攞哂 Patent，以前都仲話可以暗啞底用相同既工藝去生產，但今日美國就將呢件事放上枱，你用同一個工藝生產，就係侵權
而家去到呢個位置，根本就無第二條路行到去 14nm 或者 7nm，或者你好痛苦咁搵第二條路既時候，台積電又無啦啦去到3nm，再封你後路
3. 以上只係講晶片生產，仲未講晶片設計
晶片生產都已經咁難行，晶片設計就更加落後，本身晶片設計係 Intel 同 AMD 攏斷，而當 Mobile Device 開始流行既時候，英國既 ARM 靠更加慳電既晶片設計，成功做到大陸佬經常講既"彎道超車"，再比日本既 Softbank 千億收購
而 Nvidia 就靠挖礦同 AI，又成功將佢既 GPU Design搞大佢
黎緊下一個突破點，就係量子電腦，但而家中國連 Binary CPU 都未搞得好，再要追 Quantum，就更加難度大，而今日 IBM，就首先成功將量子電腦搞出黎， IBM 有可能翻生
今日 Tencent 同 Alibaba，都話要加入呢場晶片大戰，但晶片係一件 Winner takes all 既完全零和游戲黎，靠錢、靠人、靠 Patent、靠國家地位、靠國際外交、靠運
過往中國係到不斷恥笑台灣經濟軍事越黎越廢既時候，台灣既台積電就已經不斷發展技術再申請 Patent，封死今日中國既後路
小時了了，大未必佳
Source：LIHKG討論區, WIKI