地盤佬是怎樣的？網民 itcat 日前在香港討論區發帖，題為「做咗兩年地盤 ! 唔明點解宜家啲人仲用 7，80 年代嘅思維去睇地盤佬 !」。itcat 自白：「我以前做飲食，無時間陪老婆同仔，宜家做地盤，逢紅休息可以有多啲時間陪佢哋!」
他續稱：「眼見好多同事都好顧家，好多都唔煙唔酒唔賭錢，仲可以供仔女去外國讀書，但出面好多人宜家都覺得地盤佬嫖賭飲盪吹瓣瓣齊，真係要改吓對地盤佬嘅睇法呀！」
【精選消息】 多圖 !《復仇者聯盟》古裝版 《復聯客棧》疑似不日上映
【精選消息】
【精選消息】
在小記心目中，地盤佬就是電影《激戰》裡的彭于晏，型到 hihi！網民「勿宜演」亦挺身而出，自爆從事地盤工作。
寫字樓轉做地盤
「勿宜演」表示：「我就係一個地盤佬。我之前係返寫字樓的，已經做左差不多十年，後來覺得壓力太大，把心一橫做地盤。」
嘻嘻哈哈無壓力
轉行的結果……「一轉，真係不得了，返唔到轉頭！返工氣氛又輕鬆，d 師傅師兄對我又好，一邊做一邊嘻嘻哈哈又一日，全無壓力。」
夠鐘走人好輕鬆
待遇呢？「搵得又多過之前。返工就返工，收工就收工，夠鐘就走，咩唔洗諗，做唔完？聽日先算。我返 9~6，5 點鬆 d 已經執架生換衫走人，返到屋企仲早過之前返寫字樓。」
個人開心咗好多
他認同樓主：「樓主講得 o岩，好多人仲用過時既眼光睇地盤佬。入到去做先發現，d 師傅不知幾友善，而且好有禮貌。講粗口只不過係口頭禪。大部分都係正正常常既人，正如樓主所講，唔煙唔酒唔嫖唔賭錢既大把。我地收工會換衫洗面抹身，唔會鹹鹹臭臭咁搭車。事實上好多人返工放工你係睇唔出佢係做地盤的。我做左地盤之後，成個人開心左好多。真係冇選擇錯。」
【精選消息】
網民：女人最鍾意 男人嘅浪漫
帖子吸引不少網民回應，分享對地盤佬的印象。網民意見，節錄如下：
- 污糟, 汗臭, 肌肉... 女人最鐘意同呢 D 男人做
- 樓主：「嗱 ! 尼啲又係對地盤佬嘅誤解，做地盤唔係個個位都污糟 !」
- 唔好沖涼, 加 D 鬚根吉吉地
- 女人就係越臭越污糟越鐘意 女人鐘意俾人糟質
- 做地盤返 9 點換衫、柯埋篤屎 執下 D 架撐差唔多 10 點做野 11 點三就洗手食飯 飯后訓一陣 點半先開工 三點下午茶 4 點幾就執野、洗手換衫等收工
- 有些人應該係思想封建, 覺得藍領比白領差
- 西方國家, 爺國一樣咁睇
- 其實地盤佬都好正氣！
- 地盤老，臭汗，煙，賭，洒，叫雞就梗架啦。仲有，一定要食涼瓜火腩飯，男人既浪漫。
- 乜唔係豆付火腩飯咩
- 師兄，宜家返緊邊個地盤呀？
- 狗眼看人低的後果
Source：香港討論區