網民 fb2496754 於 5 月 30 日昨晚在香港討論區發帖，題為「有時唔明,屋企條件咁差,生我出黎把_咩,日日返工捱苦」（文字經過處理）。他表示自己 30 歲、青頭仔（沒有性經驗）、從沒拍拖、沒嫖妓、沒去旅行。對於父母想他結婚生子，fb2496754 直指這是很自私，他坦言會單身一世；又表示待父母百年歸老後，就會學報紙頭條 D 友仔，因為香港壓力太大，生活痛苦，已經受罪幾十年，係時候停止。
生存痛苦但怕死
fb2496754 剖白：「捱生捱死幾十年 都唔知為咩! 自己又懶又唔讀書又唔想捱辛苦工! 雖然我廢 但起碼我唔會結婚生仔咁自私! 我依家 30 歲人 想自死又怕死 生存落去又痛苦! 無論我點做都係痛苦!」
【精選消息】
一人返工養兩老
他疑惑：「有時真係唔明 我係唔係前世做左好多好多壞事! 今世人先咁_慘!（文字經過處理）父母年紀又大 想自殺又唔想留佢地係到 又得我有返工!」
不婚宣言
fb2496754 不婚宣言：「我已經講到明唔結婚唔生仔! 你地生我出黎 我受左咁多苦 你地仲唔夠? 仲想我結婚生仔? 我先無你地咁自私 你問我開唔開心? 對唔住 我做人做左幾十年 好似受左幾十年懲罰咁!」
【精選消息】
想「單機」過下半世
他想「單機」：「唉希望快點 靜靜地自己單埋機過下半世算 做好真係好痛苦 對我黎講 現實先係無盡既地獄 已經有準備成世單身 上黎呻下架姐 現實唔會講」
「仲想我點」
fb2496754 利伸：「30 歲青頭仔 死都無叫過雞 無去過旅行 我父母投資落我到 投資落我咪由 2 個人受苦 依家變到 3 個人受苦囉 但起碼我都無做咩壞事 日日安份守紀 返工放工 都比錢屋企 仲想我點 我都已經 從來無拍過拖 無去旅行 囉 仲想我點呀」
壓力太大 係時候停止……
說得激動，fb2496754 自爆餘生計劃：「算啦 我都打算照顧埋佢地百年老 之後我應該會學報紙頭條 D 友仔咁 因為係香港太大壓力 又痛苦 受罪受左幾十年人 咩都夠啦掛 係時候停止」。
【精選消息】
網民：乾脆豁出去
截稿前，帖子贏得 20,458 個點擊瀏覽，263 則回應。不少網民給予鼓勵，釋出關心，盡顯人間有情。網民留言，節錄如下：
- 乾脆豁出去，坐食山崩。
- 你都諗住單機囉，不如諗下臨死前有咩可以做下過埋剩低日子囉
- 傻仔，反乜工姐。扮下野，唔好做，拎綜援。話照顧二老又唔洗做。又有公屋，又有三糧。
- 咁多埋怨有意思嗎？
- 每個人都有唔開心既日子，我依家都係好唔開心，我唔打算安慰你，因為我知無用。不過我想講，依個世上係有人明白你既。可能搵錢唔多，做啲自己想做既野令自己開心啲。食又得，玩都可以，係最原始既快樂。
- 咁你都冇浪費你既人生 人生在世最緊要知自己做緊咩同有咩後果 痛唔痛苦依樣野好個人角度觀
一家人齊齊整整最開心
以下這個留言，叫小記也大為感動：
以前細個屋企都幾窮 一家四口迫埋間公屋仔 根本談唔上生活條件 父母讀書唔多！ 而且第一次座飛機旅行 已經係十九歲，自己搵錢自己去！
到年紀大大吓 陪住父母，睇住佢哋百年歸老 其實佢哋已經盡晒努力 令仔女生活可以過好啲 可惜事舆願違！
依家自己年紀開始已經大 雖然已有自己物業，又有一筆可觀嘅積蓄！反而發覺 一生人最開心 係果段時間！ 雖然係窮前路茫茫 但一家人齊齊整整 而自己亦無憂無慮
樓主：我會盡做仔嘅責任
fb2496754 回應：「我現實唔會咁 我現實雖然好憎佢地 但我都會盡自己做仔既責任 但奈何一世人真心痛苦 但我最多唔出聲 但真心 快樂不在我人生當中。」
【半夜更新】樓主：「原來我父母比我更痛苦！」
fb2496754 於半夜突然更新帖子，標題也改為：「有時唔明,屋企條件咁差,生我出黎把_咩,日日返工捱苦.我最後搞到我爸爸 80 歲人第一次係我面前喊」。他以千字文繼續剖白人生，文末劇情，峰迴路轉；他向父母剖白，卻讓這一家三口都哭了起來！
浪費父母心血
fb2496754 表示：「辛辛苦苦養大我 點知 我書又讀唔成 錢又找得少 只能夠講我浪費左我父母一生心血 我認我係廢物 所以我唔會結婚生仔害下一代 我覺得 有得簡我都唔想出生」
有網民留言：「你有手機上香討，都幾_辛苦？」（文字經過處理）
一句撻著 fb2496754：「大佬 我 30 歲人 都咁講 我已經講到好白 你地咁都唔明? 怪唔知咁多人自殺 成日賣報紙啦 根本做人就好大壓力 好痛苦」
向父母道歉
他向父母致歉：「我想講 父母 對唔住 我曬左你地一世既心血 不過我自己都好痛苦 , 幾十歲人都講得出依番說話 , 我都覺得自己到底前世做錯 D 咩,點解今世要還得咁痛苦 因為生存先係懲罰 但將來亦唔想生仔 因為無本事
無父蔭俾下一代」
「好想跳落去」
他想…跳落去：「暈...好想跳落去就算 窮人就更易有抑鬱 做咩都無曬心機 唔想要錢 唔想要樓 唔想要女 我只想快點完結我的一生 唔好再比我黎多次這個世界啦 一次都已經痛不欲生啦」
青年的祈禱
30 歲青年的祈禱：「如果有神既話 你話我聽 我到底做錯左咩野先會受到幾十年返工既懲罰呀 就算我係錯 個懲罰洗唔洗咁大呀 係幾十年呀工作!!! 唔係幾日 幾個月呀 係幾十年呀!!!」
「公平咩？」
公平咩？「我成世人 又都無做過咩壞事啦 點解要咁樣罰我呢 公平咩!!? 雞都無叫過 又無昆人錢 又無吸毒 又無害人 又無犯法 點解要罰我罰得咁重 WO? 我好唔甘心呀!! 我都唔知神 或我父母 到底係幫我 定係害我 雖然我見到你地盡心盡力 裁培我 但我只係覺得自己唔適合係依個世界 因為太大壓力 太無寧無盡的痛苦了」
父母哭了
本來激動氣憤的 fb2496754 突然反高潮：「我因為以上講既野 搞到我見到阿爸八十歲人第一次係我面前哭 ,媽媽都一樣眼都紅埋,D 眼水係咁漂出黎」
他向父母剖白：「爸爸媽媽多謝用一世既努力投資係我身上,但對唔住了其實我一直以來都過得好痛苦, 我完全唔明白我到底做錯咩,你地要生我出黎,我幾十歲人,根本就只係覺得人生得痛苦 2 個字. 日日返工放工,死捱爛捱.完全唔知何苦,我想問你,點解你明知自己細個果陣已經咁艱苦, 由細到大都做到死,你做左幾十年都係得個窮字,你都唔係唔知生活幾艱難架啦, 你又明知屋企條件唔好,環境又差,你地又無文化,點解要生我出黎陪你地呢? 仲話想我結婚生仔抱孫,根本就無可能,我已經唔會好似你地咁自私, 明知自己環境咁差都要結婚生仔,我唔好話結婚生仔, 我已經計劃好我會照樣返工賺錢照顧屋企,直到你地百年龜老,完成我既責任. 不過等到你地百年龜老之後,我都會自己退出遊戲,唔會再留係依隻 GAME. 雖然你地養大我好辛苦,用左一生心血黎換我. 但係我依幾十年 我都好痛苦, 我真係覺得還凸比你地, 所以好對唔住囉.」
fb2496754 續道：「之後我幾十歲人 第一次見到爸爸 係我面前眼濕濕 之後轉身用手撒眼淚 ,媽媽哭就一定架啦 我睇見咁 我都走入房自己喊左 , 真係估唔到 我爸爸都竟然會流眼淚 , 我咁大個仔 我爸爸一生人 做野好辛苦又好 受傷又好 做手術都好 都無係我面前流過眼淚 我一直都以為我爸爸係唔識哭既人, 今次 佢竟然哭左出黎,我幾十年黎都未見過. 我媽媽更又係做野好辛苦又好 受傷又好 做手術都好 都無係我面前流過眼淚 , 但聽完我講之後媽媽都一樣眼都紅埋, D 眼水係咁漂出黎 今次依一幕睇到我成個人都崩潰左 . 好震撼 真係好震撼 ... 我幾十歲人都未試過. 比人插幾十刀咁」
他表示：「原來我父母比我更痛苦」。
Source：香港討論區