網民「閂埋門玩正氣」日前在 LIHKG 討論區發帖，題為「是咁的...我用 LEGO 設計左隻海盜船」。「閂埋門玩正氣」用 Lego 積木原創砌出一艘有燈識郁 Lego Pirate Ship Ride 電動海盜船，並放上 Lego ideas 收集萬人支持，如成功或有機會被 Lego 正式量產推出。因此，「閂埋門玩正氣」在帖子中，使用了多個跪求 emoji，跪求網民支持，截稿前已贏得 1,462 個正評，10 個負評。
「閂埋門玩正氣」在帖子中表示：「是咁的... 我用左一個月時間砌左隻機動遊戲海盜船出黎。可以入電 fing fing下，同埋有燈閃閃下，而家我放左佢上 LEGO IDEAS 玩法係如果有 10,000 個人支持，咁佢就有機會變成真產品。」
【精選消息】
「閂埋門玩正氣」誠懇跪求各位巴絲支持，叫大家「用 email 注冊一個 LEGO ID 就可以」；更在帖子附上 Lego ideas 連結一按即達。在 Lego ideas 網頁見到「閂埋門玩正氣」現真身，樣子都真係幾正氣；於 2018 年 5 月 31 日在 Lego ideas 上載了 Lego Pirate Ship Ride 原創樂高電動海盜船，跪求萬人支持。截稿前已有 610 人支持，與目標距離有一點遠；尚有 418 天，支持【按此】。
「閂埋門玩正氣」非常誠懇，更為大家介紹拍片介紹 Lego Pirate Ship Ride，即 click 下圖觀賞 ~
網民：好似 lag lag 下
既然「閂埋門玩正氣」如此誠懇，網民也坦蕩蕩，突破盲腸表示電動海盜船「窒窒下」。正在跪求一票的「閂埋門玩正氣」，唔啱聽嘅說話當然照單全收，冷靜解釋窒窒下原因，又禮貌地多謝大家支持，波瀾壯闊，天地動容。你會支持嗎？
- 網民：「點解 fing 得好似有 d 疾?」
- 樓主回應：「應該係轉波有時轉得唔夠乾脆 同埋架野又太重」
【精選消息】
- 正皮俾你個創意 但流暢度要改一改善 好似 laglag下咁
- Crazy
- 支持
- 有無計過幾多件 ?
- 已支持 都有興趣買
- lego ideas 好濕_喎（文字經過處理）之前隻瓶中船又係 ideas 嗰度選出嚟,點知 lego 個 designer 將佢改少少就當自己嘢,仲夠膽死係個樽扮火漆印嗰個貼紙落自己個名嘅縮寫而唔係落原作者個名,真係仆_嚟（文字經過處理）
- 個 size 改細左搞到隻船好怪 但係唔改細又可能太多件
- 改唔係問題,不過改完唔落返原作個名仲要出片話件嘢係係 ideas 收集返嚟之後改少少再特登話落自己個名嗰下真係好_（文字經過處理）
【精選消息】
Source：LIHKG討論區, legoideas