在馬鞍山坐的士，原來很委屈。港媽 Polly Chan 日前在 Facebook 群組「馬鞍山之友」發帖，題為「一早比的士佬鬧足我成程車，嚇親我仔」。港媽 Polly 表示與孩子一起坐的士趕往考試，惟久等都沒有綠色的士，遂乘搭紅色的士。據港媽稱，紅色的士司機在整個行車途程中，一直責備港媽，指港媽不坐綠色的士卻揀紅色的士云云；最後紅色的士更停了車。港媽隨帖子上載一張圖片（如上，圖片經過處理）。
港媽 Polly Chan 在帖子中，用文字記錄還原與紅色的士司機的對話如下：
港媽：司機唔好意思，等左好耐無綠的士，小朋友就夠鐘考試…
司機：有綠的你唔坐
港媽：我話落雨，等好耐無綠的！
司機：我又見你唔到，點知你係咪等咁耐
【精選消息】
港媽：你都見我係綠的到行過黎啦，小朋友考試唔可以遲！唔該你啦……
司機：明知考試你唔早出門口，唔早起身
港媽：都話等左好耐車，你點知我無早出門口？
司機：的士工會成日鬧，綠的搶紅的士，我奉公守法
港媽：依家係咪點_左你名黎鬧先 法律話唔可以拒載啦
司機：（車程一半）停左部車，你睇，有的士啦…香港政府咁好，設有 uber,綠的又平，你都唔坐，仲要駁我嘴，你依家想點？
港媽：有綠的我洗求你，依家我問你想點？車你又開左啦，我日日都坐的士，我問過呢個位係紅的/綠的都可以既…我小朋友考試，你唔好嚇親佢，請問你係咪無屋企人既？我一上車都話唔好意思，又唔該你，車你又開左一半，仲問我想點？
網民有 says
截稿前，帖子已贏得 357 個心情，網民紛紛表示嬲嬲；不少網民踴躍留言，聲討涉事紅色的士司機，報警投訴云云、也有分享個人搭的士的不快經歷。網民回應，節錄如下：
- 有 d 人，係要_佢先收聲（文字經過處理）
- 要改善的士行業聲譽，必須消滅害群之馬。我係的士司機我都覺得羞恥。乘客自自然然都會以為我係衰人。親自做全職的士司機才清楚知道行業內太多太多害群之馬。
【精選消息】
- 你同佢講唔好意思，就會欺負你，不用多言，講目的地就得，的士已經不是交通工具了，是財閥搶劫的工具了 ，以後 Uber 啦！
- 不如咁啦，三隻色合併咪解決囉，到時唔好怪無車坐喇
- 政府豪華的士方案好似就係咁。全港通行但貴 d
- 送咗個仔去考試先 跟住叫佢送你去警署交通部，順便跟進吓
- 香港的士真係好乞人憎，成日話 Uber 搶生意，人哋貴過你，係新界坐紅的可以比綠的價咩！佢夠膽拒戴即刻揾慈母
- 咁受氣，點解仲要俾錢 D 仆_的士狗賺。（文字經過處理）
【精選消息】
- 其實乘客只要拒絕落車，的士司機通常都會開車。因為的士司機無法做生意。司機更不敢報警，因為明知自己違法，會被檢控。但乘客甘願被欺凌，才令司機越來越放肆。
- 馬鞍山居民知識水平高過全香港人平均知識水平。也不妨先由馬鞍山區開始，從今以後大力整頓違法的士司機，這可能會令到全港各區的士司機稍為收斂，不敢再目無法紀，明目張膽拒載。
- 轉個靚灣去警署呀唔該
- 咁你開唔開車吖，唔開我直接報警，反正遲到考試冇分不如報警拎張紙返去申請補考，你要玩我同你玩大佢，揸好啲添啊，一陣整親我仔你仲大檸鑊
也有撐涉事的士司機……
- 唔車你咪唔車你 點解一定要就你 你有小朋友就大曬 咩 CONCEPT 打風落雨個個都排隊/CALLj 定車 等車用架啦 呢到 D COMMENT 仲要一面倒好有道理咁_的士司機 仲話報警 十足十 D 廢老咁（文字經過處理）
港媽 Polly Chan 在留言補充：「佢一係唔比上車啦……唔好比人上左一半仲問我想點喎……仲鬧足一程車！我一開門第一句講，唔好意思無綠的啦……一係你拒絕我…唔係比人上再鬧囉。」
其他網民分享搭的士之不快經歷
- 車。。。小朋友考試者麻，我老豆係醫院走得都係甘啦，為左去個沙田醫院，上紅的 c 機叫我上綠的，上左綠的話唔去得要紅的，兩條線既 c 機落車話要報警。。人拿黎架，分秒必爭架麻，係到嘈交
- 我都試過，比紅的話，你等有錄的先座啦……一路鬧到落車，我同個仔一起坐很委屈
- 已經冇藥可救，身同感受!個人問題，唔係有冇生意，叫佢地敬業!我試係荃灣去石蘺貝邨要轉三轉車，我同佢講趕住去見工，離譜嗎？
- 落雨截的士慘過乞食…又唔係唔比車錢都唔明點解要咁
- 我成日係欣安氣站出面俾紅的拒載！原因係我去海柏花園太近！佢等咗好耐～仲俾人趕落車～叫我去坐綠的～坦白講唔趕時間都會等綠啦～洗上你車！
- 紅的拒載常見, 我也試過,中港碼頭上車去尖東香格理拉酒店, 的士佬叫我坐後面架車,我立即改口,叫佢先去尖沙咀差館。佢立即收聲。
Source：馬鞍山之友