返到屋企被母親訂立諸多規定限制，做子女的有啲咩要注意？網民「樓下巨額山頭」日前在香港討論區發帖，題為「我屋企有個咁嘅老母！你話過唔過份？」，充滿火藥味。小記好奇，佢屋企究竟有個怎麼樣的老母？有幾過份呢？隨帖子附有幾多圖片，小記於是目測……咦！嘩！嗚！
天地有情。有網民立即留言問：「有冇前因？就咁睇實係你媽唔啱架啦，但要有前因先知真正嘅對錯」。
「出咗社會一定比」
樓主表示：「我已中學畢業讀大專，有做兼職，早前同老母因俾家用一事吵架，佢要我交家用，我兼職錢唔多，又要儲學費、又要搭車、又要食，基本上連多餘錢都無……點交呀？」
樓主再補充吵架內容：「佢要我交家用， 但係我同佢講我比唔到，因為我要讀埋個大學，先真正踏出社會工作， 我同佢講到時我出咗社會工作我一定會比。」
【精選消息】
被指「逃避責任」
他續稱：「佢聽完就話我， 話我喺度逃避責任。 我話我自問已經冇返屋企食飯，冇再問佢攞錢， 已經去咗返工自己搵嚟自己用， 如果再交埋家用， 咁我真係食都唔使食， 本身我搵嘅錢已經唔多， 我為咗做自己嘅學費已經日日捱唐記……」
日日捱唐記
「我話如果你再迫我交家用，我真係冇嘢講， 之後佢就發脾氣， 係咁話我逃避責任， 之後我講咗一句我同你真係冇計傾， 最後佢答返一句，唔好講嘢啦，咁樣相處都冇意思。」
【精選消息】
唔打招呼唔講嘢
樓主有火：「私人物品就收入房喇！又要放廳，贴晒字句咩野意思先，仲要贴到全屋都係『私人物品，勿動！！』，朝見口晚見面唔打招呼、唔講野都算喇！放工返到屋企，有時想放鬆下自己，喺間房度睇下戲、上下網 ， 又可以俾佢話，我自問手機開得唔大聲。」
樓主坦蕩蕩：「如果我唔係讀緊書，無能力搬出去……嘅，我走左好耐喇~我真係好唔開心，點解我屋企係咁，我苦心自問平日無得罪佢，點解我老母可以咁……」
【精選消息】
樓主是婆婆湊大的
網民甲：「想問下你系米搬走過？」，樓主表示從未搬走。網民甲好奇：「甘點解佢叫搬返去 xx」樓主：「因為 xx 地方是我婆婆家由細到大都是婆婆湊大我， 我老母只係在七年前強制湊返我出去住」。
網民乙：「甘你可以搬返婆婆度住。」樓主：「我婆婆依家湊住三個孫仔孫女， 即係我嘅表弟表妹， 佢嗰邊屋企唔係大， 冇辦法再容納埋我」。
網民：你老母回應下好喎
帖子贏得不少網民瀏覽及踴躍回應。究竟樓主屋企有個咁嘅老母，你話過唔過份先？網民意見，節錄如下：
- 書幾時都讀得，快打工搬走，遠離負面影響的家人，人生才有運行
- 你老母回應下好喎，你老母一定有前因嘅，你老母生得你出一定好了解你，你老母啱唔啱先。
- 家家有本難念的經，我覺得唔係淨唔比家用咁簡單，或者坐底傾下
樓主：「佢根本就唔想同我傾，你睇下佢咁嘅行為就想逼我走啦， 每次返到屋企都有 hard feeling， 所以我真係好唔鍾意返屋企」。
Source：香港討論區