忍屎經驗你有多少？人有三急，不知所措？網民「止戈為武」日前在 LIHKG討論區發表一篇帖子，題為「忍屎，令我體會到意志可以戰勝一切」；樓主用深入淺出的敘事手法，憶述一次乘搭長途巴士「不幸」人有三急的遭遇及應對技巧，最終在巴士成功忍屎忍到去廁所「大解放」；更由此體體會意志可以戰勝一切，充滿正能量！帖子文筆細膩動人，讓小記有置身其中的感覺，好有共鳴；越看越想痾，搞不好還以為自己在忍屎。
一技傍身常忍屎
樓主坦蕩剖白：「忍屎嚟講自問都身經百戰，身為屯門仔日日都要搭長途車，冇返一技傍身真係大獲，但頭先嘅經歷真係我忍屎史上最驚心動魄嘅一次。」
【精選消息】
上了巴士才肚痛
他續稱：「話說我要搭 962 由屯門去西隧轉車站，路程一個鐘左右，平時我都係瞓咗佢嘅。點知一上車，合埋眼冇耐，我感覺到身體入面有沉睡的兇猛在甦醒。雖然只係輕輕攪咗一下，但以我嘅經驗，呢個係暴風雨來臨嘅先兆！我即刻擘返大對眼，集中精神，嚴陣以待。」
收緊括約肌
進入戲肉。「果然好快第一波衝擊就來襲！我立即收緊括約肌，調整呼吸，感受衝擊嘅強度，然後結論係：今次大獲！」
坐直個人 「緊張」只會賴屎
有幾大鑊？「事關我仲連屯門公路都未入，而以我嘅性格，一定唔會去啲垃圾臨時廁所！所以我嘅目標只有西隧轉車站隔離嘅九龍地鐵站！大約仲有 40 分鐘車程，預計仲要對付 4-5 次衝擊。淨係諗都已經標曬冷汗，我即刻坐直個人，嘗試調整心態。因為我知緊張只會令事態更加嚴峻，結果都好順利擋住第二三波衝擊，呢個時候巴士已經去到汀九橋，仲有15分鐘！！」
【精選消息】
提前落下層
樓主在巴士上翻雲覆雨：「為免落車嘅時候撞著遇到衝擊，我決定提前起身行落下層。望到奧海城，望到圓方，終點在望啊！啊啊啊啊啊啊啊啊啊啊啊，係第四波嘅衝擊。。。我再次夾緊括約肌，一秒兩秒三秒四秒，竟然仲未完？？！！」
「要明白當你集中力放曬喺一組肌肉嘅時候，身體會變得僵硬，亦係最脆弱嘅時候。偏偏呢個時候巴士開始剎車埋站，我喺呢個繃緊嘅狀態下仲要站穩個馬，痴_線（文字經過處理），簡直精神同肉體都到達極限。我個心一路呼喊住『唔可以瀨啊，唔好白廢心機啊』。巴士終於停低，我亦成功守住第四波。但仲未完，轉車站去九龍站都要行段路，我收拾心情即刻加快腳步，因為再嚟一波我真係有心無力喇！」
【精選消息】
懷疑底褲有屎
樓主急步走：「偏偏上帝真係要考驗我嘅意志力，我望住九龍站，仲有幾十米距離，但我已經痛到行唔郁，挨咗喺牆接受蹂躪。我感覺到有屎探咗頭出嚟，同我條底褲 say hello。我心灰意冷，以為自己瀨咗，諗緊要射波飛的返屋企換底褲。但屎都仲係要屙，去到廁所，我門都冇閂廁板都冇落，就已經頂唔順一除褲就坐落去，同時望下條底褲咩情況，『沒有，沒有，沒有！！！』個屎眼好似慶祝緊呢個奇蹟咁大放煙花，一舊硬屎之後緊隨住嘅係一堆蛋花爛屎。」
終於痾了 無堅不摧
樓主反思：「我坐咗喺馬桶好耐，回想頭先幾驚險！成日話打完丁會聖人 mode，其實忍屎都會……呢一刻我感覺自己無堅不摧，係無敵嘅」。
- 截稿前，帖子贏得 434 個正評，6 個負評；網民一面倒十卜樓主的忍屎能耐，紛紛叫好。網民留言，節錄如下：
- 巴打經驗豐富
- 偷偷的say hello
- 啲屎毒會令到個人好累無精神好眼訓
- 屎尿post永遠都係最高質
- 利申日日有屎屙
- 忍屎，令我體會到打丁以外既另一種快感
- 會成個人虛脫咁
另一個堅忍的網民
- 忍過長途巴士屎以後就覺得人生冇野再難到自己 果一粒幾鐘好似幾粒鐘咁 標曬冷汗 有一刻諗過冇可能忍到 不如走去巴士尾趁人少少屙左佢 但唔得！ 假假地都係接受過高等教育既文明人 唔可以 最後都忍到 最後一百米未行入男廁已經解緊皮帶 屙完感動到眼濕濕 想攬住自己 同自己講多謝 樓主講得啱 意志係關鍵 只要同自己講 瀨唔係其中一項選擇 堅守信念就點都崖到
也有網民大方分享失敗經歷
- 我都試過一樣既經歷，同樣係去九龍站，不過我輸左，一樣係忍到落左車仲有幾十米，點知一落車果下 d 意志薄弱左，括約肌一下忍唔住就爆左出黎成條底褲都係，最後入廁所扔左條底褲，全日真空上陣。所以意志真係好緊要
Source：LIHKG討論區