為了贈品而擅自申請了家居寬頻，激嬲新婚老公點樣算？網民「粉色風信子」日前在香港討論區發帖，題為「因為個吸塵機.....我們分居了...」。據了解，剛與老公搬住新屋的樓主，見到家居寬頻有吸塵機贈品，疑抵受不住誘惑，「反正新居都要搞上網」，因此擅自登記申請，卻因此激嬲了新婚老公，新婚老公嬲嬲豬返回自己屋企分居了。樓主遂在討論區發帖，向巴絲求助。
新居入伙冇寬頻
樓主在帖子表示：「唉..本身一直相處都好地地，最近新屋又入埋伙 ..估唔到婚禮搞掂左..新屋搞掂左，就系敵唔過果吸塵機...」。
【精選消息】
為了吸塵亂登記
咁嚴重？樓主續道：「話說系屋苑既 FB 群見到有個吸塵機贈品送咪把心一橫走去禁黎睇囉，反正新居都要搞上網..點知比老公知道左就發我脾氣話我亂搞亂登記..跟住就返左自己屋企...都唔知痴左邊條線，現家真系..可以點..?」
網民：試下叫抽氣扇同佢傾
新婚夫婦疑似為了吸塵機而鬧分居，帖子吸引不少網民發表意見。巴絲有的認為好小事、有的認為唔關贈品或寬頻事，是尊重問題。網民留言，節錄如下：
- 你老公幾大 ... 咁小事都搞到咁 ?
- 裝咩寬頻裝到分居咁大件事?
- 咁小題大做老公都幾大男人
- 搵過個喇
- 你到底淨係黎睇定登記埋？你老公返左自己屋企就叫分居？你地同居緊定結左婚？定係你將成件事誇張左黎講？
- 你老公有問題？精神嗰隻
- 究竟喺關 FB 事，定喺個群組事，定喺關上網公司事，定喺吸麈機事，搞清楚好喎
- 我覺得冰封三尺非一日之寒，吸塵機只係導火線
- 應該你老公一直好大壓力，吸塵機只係點著個導引線
- 早分早著啦，如果因為禁小事就話分居以後一天要分十幾次，遲早到會玩完啦！
- 好小事咋喎,你老公仲嬲緊?
- 試吓叫抽氣扇同佢傾
- 其實係咪你老公覺得你比人溝緊所以發脾氣呀？
【精選消息】
尊重問題
- 尊重問題，你自以爲解決左一個問題仲有野送。不過我覺得如果一齊住，有乜想申請而又同間屋有關，都應該知會對方一聲。
吸塵機有靈性
- 網民甲：「上網睇吓野都要用到把心一橫去形容似乎樓主是性情中人。」
- 樓主：「就系咁樣出左事。」
- 網民甲：「吸塵機有靈性知道自己搞到你哋夫妻不和好內疚。」
- 樓主：「但願如此...」
「我既角度系贈品..佢既角度系對佢影響大..」
- 樓主：「其實關唔關上網..我唔識。我既角度系贈品..佢既角度系對佢影響大..」
- 網民丙：「有啲乜野影響呢? 上網影響左你老公? 定吸塵机影響左你老公??」
【精選消息】
- 網民丁：「你o既角度係登記左有贈品攞, 佢o既角度係你為左貪小便宜, 自把自為出賣左屋主(包括佢)o既個人資料(私隱). 個人資料係好敏感o既野, 未得人同意就出賣別人私隱, 換取一些小便宜. 樓主真係覺得無問題/好小事?」
- 網民戊：「有冇咁跨張呀？出賣咁嚴重？人地都系想幫手搞下個上網姐。」
- 網民丁：「一家唔知一家事. 我呢o的路人甲都係段估無痛苦o既o者. 阿樓主話唔知老公痴左邊條線 ma... 咁咪幫樓主探討下lor. 講到登記上網. (又段估)可能樓主老公計掂晒數, 諗住幫襯某公司上網 package 搞埋電視體育台睇世界盃. 點知樓主轉頭就將四年一度o既世界盃換左部吸塵機. o個下失落又係難以形容. 假如老公拎左你條鑽石頸鏈換隻限量版高達模型, 仲話你痴孖筋走左返娘家, 又可以嗎? 點都好啦. 兩個人一齊生活, 就係要互諒互讓. 有咩咪兩公婆傾掂佢lor.」
希特勒都 cut 唔到…
以下呢個留言，又燒到某線寬頻，也反映某線寬頻某方面的形象深入民心…
- 會唔會又係希特勒都 cut 唔到嗰間
- 間野真係痴線架
Source：香港討論區