歌手 Gin Lee 日前在紅館舉行處女個人演唱會，觀眾竟然唔識尊重，越唱越走？Facebook 專頁 King Jer 娛樂台日前發帖談論事件。帖子引述討論區網友表示，Gin Lee 演出技驚四座，「校長」譚詠麟都大讚她是一流歌者。可是現場觀眾反應一般，無咩人歡呼、Gin Lee 叫大家一齊唱都無咩人理佢、甚至演唱會中途就開始有人排隊離場。
該帖子又引述網友表示，香港人唔配有好歌手：「好 x 心痛，一個歌手喺舞台上傾盡所有，幾乎毫無冷場咁唱足兩個鐘，即使你事前（對）Gin Lee 呢個人 0 認識，你都好難唔俾佢打動到 :~( 但係我面前嗰班人，睇唔出佢地有一絲嘅留戀。如果連坐低睇曬成個 concert 嘅耐心都冇，我哋真係唔配有好歌手。」
【精選消息】
King Jer 也慨嘆：「其實作為歌手，咁賣力一路唱但一路見到觀眾轉身走，個感覺真係幾難受。」
網民有 says
帖子引來網民巨大迴響！發帖不足一天，截稿前帖子已贏得 7,465 個 emoji 心情、458 次分享。 不少網民「長文慎入」式留言，勁撐 Gin Lee。網民回應，節錄如下：
戥 Gin Lee 心痛
我睇尋日尾場，正場話最後一首，明明 Gin Lee 唱緊啲人都要走，大佬感謝名單都未出都知有 encore 啦~ 睇到都戥 Gin Lee 心痛，佢真係好有心機安排呢次演唱會！
仲有人set埋機全程錄影！！
當初買公開飛，想買貴飛既正面台位都無，結果要 380 先有正面位，但尋日去到，前面每行都總有吉位，其實如其內部 hold 左賣唔出，不如畀真心買飛入場睇既人買啦~
但真心講，真係好好睇！！Gin Lee真係唱得好好，好多感動位！！
【精選消息】
港人難服侍
完全同意。琴日啲人個個住長洲咁趕住走，講真真係好心酸。聽到最後一首歌我真係忍唔住喊，Gin 落台時我嗌 Gin Lee（唔好意思喊緊有走音）反而俾人歧視。好感激 Gin Lee 留係香港發展，不過香港真係唔識珍惜。唔識唱嘅又俾人踩唔識唱；識唱嘅又話唔啱聽，香港人好難服侍。
擺位、用氣、咬字、感情都好震撼
本人係音樂人，Gin Lee 暫時係我最欣賞嘅香港女歌手，如果真係識聽唱歌嘅人，你會發現佢用聲嘅擺位，無論用氣，咬字，感情，同埋對首歌嘅穿透力，都係好震憾，識聽就一定感受到佢唱歌好叻好勁~ 唔識聽果啲，就……算了……
唱片公司丟架
最on_係（文字經過處理），唱緊最後一首個陣，環球有女職員叫哂 680 區正中間前排 d VIP 起身排隊入後台，一走就走成十行。謝茜嘉 Adrian Fu 呢 d 所謂嘅音樂人又係咁，排住隊聽最後一首歌，真係有咁趕咩？行內人都唔撐。唱片公司都咁做去丟 artist 架，Gin Lee 早走早著。利申：睇哂 2 晚，真係唱得好好，香港無其他女歌手 live 張力勁過佢
【精選消息】
啲人走得快過走火警
睇左頭場， 見到好多相信拎免費飛嘅觀眾 響 22：30 至 23：00 就走， 之後 Gin 預告話唱最後一首歌『今天終於一人回家』時，當 Gin Lee 唱到一半，我嗰下以為紅館就爆炸，啲人走得快過走火警， 大佬，呢班人識唔識得尊重表演者架，而家香港樂壇真係唔配有好歌手存在
搵食大過天
我都見到, 兩場我都有睇, 第一晚我唔覺有人走, 不過尋晚 d 人真係好過份, Gin 話唱最後一首歌時 (未 encore), 有 D 人已經起身走, 我唔知係 d 人少睇演場會唔知有 encore, 定平時睇開果 d 冇唱到咁夜, 見差唔多 11 點就以為真係完, 最過份係唱《今天終於一人回家》時, 平地果堆貴飛(內部飛 ?) 已經係出口排哂隊咁等住出門口, 到底識唔識咩叫尊重? 表演者仲係個台度唱緊歌, 就算真係太夜或者趕時間, 都應該係唔影響表演者既情況下, 靜靜咁走. 雖然我係坐到最後, 等 Gin 離開左舞台先走, 不過作為香港人, 都好想同 Gin 講聲 Sorry, 大部份香港人就係咁, 第二日要返工, 搵食大過天, 唔識尊重人, 希望 Gin 睇到, 唔好放係心.
Source：King Jer 娛樂台