娶老婆是否應該供養她一世？網民「宇宙大大壽包」早前在香港討論區發表「千字文」帖子，題為「娶老婆就應份要養佢過世?」。樓主表示，太太出來社會做事未夠一年就懷孕，放產假後聲稱有產後抑鬱，因此在兩年前辭工，做全職媽媽，照顧孩子。他們一家三口，與樓主的父母同住。樓主的父母也在兩年前退休，結果就是樓主「一人擔起頭家」，成為全家的唯一經濟支柱。也許壓力千斤重，樓主遂發帖分享，慨嘆單親家庭長大的太太年紀尚輕，為何不去工作，待在家中做闊太？樓主的結論是，太太好懶。
樓主在千字文帖子仔細分享對太太的不滿，大概可分為 10 點：
【01】工作一年就懷孕、放完產假即辭工
「話說本人老婆當年剛出社會做事未夠一年就有左，享受完產假就即炒老細尤魚。話自己產後抑鬱，話公司吾善待哺乳同事，又話番工又湊 B 好辛苦等等。當時我都好體諒佢，覺得佢系好辛苦，所以都由得佢想點就點。」
【02】樓主是唯一經濟支柱
「但兩年都過去啦，諗住吖 B 都開始大個，就同佢商量好吾好去搵野做，畢竟全家得我一份收入都有壓力。而且我父母都退左休，兩年前已經退架啦，我地同父母一齊住，我父母一直每天都幫手湊 B，吾存在冇人湊所以要老婆辭職，只系佢話吾想番工，想多 D 時間陪 BB。」
【精選消息】
【03】想仿傚奶奶做全職媽媽
「點知佢都幾抗拒出番嚟做野，又話我媽生左之後都冇再番工，我老豆養起佢好幸福，我老豆做到 GE 野我都應該做到。又話自己雖然冇番工，但在家盡心盡力湊 B 都好累好花時間，仲辛苦過番工等等。」
【04】過緊闊太生活
「我都聽吾少人話全職湊仔 GE 辛苦都吾少過番工，但系我父母幫手湊架喎，老婆都只系陪 B 玩下，餵奶洗奶樽，氹佢訓覺等，吾洗買送煮飯，家居清潔。」
「呢兩年佢仲同過班 FD 去泰國玩，又周不時去打麻雀，同 FD 食飯聚會睇戲等。仲個個月都整指甲，得閒就整頭髮做 FACIAL 咁，完全系過緊闊太的生活。」
【05】老婆係懶
「如果佢真系全心全意照顧屋企，咁吾去番工揾錢都算啦，我媽當年自己一個湊兩個冇人幫，而且以前人工冇咁高，請工人都吾見咁人工一半，吾出去番工搵錢都系無辦法。」
「但我諗我老婆系因為懶，年紀輕輕就話吾做野等人養，好彩系我家境吾錯可以滿足到你，吾好彩要等你搵食救命就一獲熟左啦。」
【06】樓主有分擔家務湊 B
「成日話我做男人就要有承擔負責任，講到自己咁傳統，咁我揾錢番嚟系咪應該可以做大爺，仲要成日俾你話我吾幫手湊 B，埋怨我呢樣哥樣咁。」
「事實上我有幫手洗衫洗奶樽等，只系佢要求越來越多，得一想二，得寸進尺，」
【07】覬覦老爺奶奶有樓收租
「一開始仲話想搬出去吾同老爺奶奶住，知道我父母仲有層樓收租，想收番嚟住。」
【精選消息】
【08】樓主被責自私
「有時我都話下佢，但佢就話我好自私，吾顧佢感受，吾明白佢辛苦，又話我計較，又吾系等佢揾錢開飯但做咩仲逼佢。」
【09】趁後生，應磨鍊
「我只系覺得佢仲咁後生，應該出去磨鍊下自己囉，況且俾你系屋企你又吾系可以做好曬屋企野。我都吾敢希望你可以明白我朝朝趕番工驚遲到，番工有壓力驚做錯野，想休息哥陣冇得休息 GE 辛苦。」
【10】著太太搵錢打救外母
「但吖 B 你都有份，講到自己幾咁鍚佢，咁你吾為佢付出多 D ? 你媽媽親單湊大你，到依家都仲去工作，你吾體諒下佢辛苦揾錢幫補下佢? 話我計較，調得番轉你做到我做緊 GE 野，我都吾會話你計較啊，係你覺得咩都系應份咋。」
【精選消息】
網民有 says
千字文帖子，怨氣好重，吸引不少網民瀏覽討論，踴躍留言。然而，大多數網民卻在為樓主的太太抱不平。有網民表示：「結婚之後佢要同你老豆老母住已經好委屈佢淨係呢個原因已經足夠充份佢點對你都得。」
樓主回應：「佢原本住緊幾十年樓齡舊區唐樓，而家住緊千幾尺 3 年新樓都仲好委屈? 而且我父母都好好相處架啦，我 GE 出發點只系想佢可以磨鍊自己，成熟 D 識得體諒人多 D 香港大把女人同老爺奶奶住，又要番工兼湊小朋友都冇抱怨啦。全職湊仔仲有人幫手 GE 反而怨呢樣怨哥樣。」
嘩！真係好很大怨氣。再睇睇其他網民回應：
撐老婆的
- _西_精_出時咁爽，射完先黎呻，做男人做到咁_小家，你隻乸真係跟錯男人。（文字經過處理）
- 香港大把女人同老爺奶奶住咁你要拎最不幸嗰堆嚟比無野好講都係嗰句你欠咗佢
- 世界上仲有更多人仲慘但又捱得過，你唔同佢地比？樓主冇諗過俾幸福自己老婆，只係諗佢老婆點解冇自己阿媽甘好用。
- 最錯係你咁早攪大她個肚，改變了她年輕時應有的生活。生了 BB，你想她好似以前剛畢業時咁有自己事業？ 人生階段唔同左。爺爺奶奶點幫得手都唔及母親自己看住 BB 成長。如果生活唔成問題，點解要返工？係香港先咁 K 型要初年輕媽媽工作。外國，大陸個個都自己帶，爸爸工作養家。
- 如果你老婆好有心機照顧小朋友, 就唔好迫佢做野了. 你小朋友依家先 2 歲, 到小學先再諗吧.
撐樓主的
- 唔好俾咁多錢佢駛，佢要駛就出去揾，你叫佢出去同人呻，就知我待你都算不薄；產後抑鬱就叫佢睇醫生攞傷殘津貼，講完。
- 努力吧！ 這就一世了！ 盡力做好爸爸、老公、兒子啦！ 頂住，頂住，頂到死的一天你就功成身退了！
中間派
- 找不到共識就算了, 唔好強求.
- 無話應唔應份，你地好明顯無共同價值觀。拍拖時真係要了解清楚先好行下一步，如果唔係真係悲哀。
- 只怕你屈屈埋埋, 等爆. 一係調整你自己心態, 一係同佢理性溝通. 不過, 我估, 最大原因係你對佢的愛, 淡了.
- 最緊要大家有共識，一係你試下叫佢搵 part time 做住先
Source：香港討論區