「因航」，你個嘢壞咗呀！旅遊達人「項明生」日前在個人面書專頁「項明生 James Hong」發帖，表示自己剛乘搭國泰航班落機，可是國泰航機的行李艙門未能打開，未能取回行李，因此要滯留在機場逾 1 小時 20 分，等候等候再等候。James 非常不滿，但似乎乜都做唔到，像熱鍋上的螞蟻。James 遂現場實拍，並把短片隨帖子上載到社交網站。
James 在帖子表示：「坐機多個坐巴士，搭過超過一百家航空公司機，小弟都仲係孤陋寡聞，第一次碰到「因為行李艙開唔到而行李嚴重延誤」；帖子文末以「原來是 #因航 ！所以唔出奇。」結束。
【精選消息】
發帖僅數小時，截稿前帖子贏得 108 個 emoji 心情、4 次分享、24 則留言。不少網民撐 James，也有指行李艙門故障不是新鮮事、有網民甚至想「坐飛機多過坐巴士」的 James 經歷墜機。網民回應，節錄如下：
- 早晨 James,又真係攰死！
- Good morning, 極無奈！保險是否可以 claim ? （James 回應：「要超過 6 小時」）
- 早晨！6 月 17 日晚，返到香港取行李，有 5-60 多件行李送錯去我們條運輸帶-！（James 回應：「機場出錯帶」）
- 當時我係現場啊（但我係saipan)我一出就見空姐去乘客身邊逐個解釋...無諗過 delay 咁耐 陰公
【精選消息】
- 好少河見項生禁嬲嬲豬！坐飛機真心攰 仲要再等多個幾鐘 人都癲
- 因航都係大牌子！禁都得 ge？不如坐阿聯酋仲好，尋晚先坐完到香港！準時機身又夠闊，上次坐因航直航去澳洲不知幾逼直航又貴！係得飛機餐好食囉
- 越来越垃圾
- 對於一個坐機多個坐巴士嘅人，好小事姐
- 飛機樣樣野都可以壞啦項生 有解釋點都好過你乜都唔知啦
- 咁你搭咁多次飛機仲多過巴士，好期待你第一次碰到墜機呢
- Oh, 希望盡快搞掂啦 !
【精選消息】
- 因航唔係第一次啦。我試過九年前由香港飛 LA, 落機之後等極都冇行李出, 之後廣播宣佈機門有問題開唔到, 但全程冇任何工作人員出黎同我地解釋...齋廣播叫我地等...最後等左兩個鐘先攞到行李。CX884 班機我永遠都記得
- 睇到都登你嬲
- 空中服務員的證件門匙在行李內
- 我都試過，人到了，行李未到。所以唔等，寫個地址俾佢，叫佢送到我家！反正重要的跟身上。最後行李安全到家！
- 你 del 左啲留言呀？之前有好多嫁喎 係咪唔岩聽呀？
- 好多飛機都出現過開唔到下層倉門
即 click 下圖，旅遊達人項明生現場實拍旅客滯留機場等候行李的苦況；還直擊空姐空少們都要齊齊滯留，有家歸不得，灰。
Source：項明生 James Hong