乘搭九巴的朋友務必小心！事關今日（6 月 28 日）ezone.hk 收到讀者報料，提到今日下午 12 時 30 分，在荃灣的九巴座位上驚現尖針狀，看像鐵針的物體，並附圖為證。同時近日亦有親子群組發布流傳一則訊息，指：「呢兩日已有 3 單巴士座位上發現鐵針、一人被刺傷！九巴已報警！大家小心！」
【精選消息】
【精選消息】
「九巴座位上驚現鐵針」事件一出，即成網民熱話，網民一致鬧爆放鐵針者所為，留言大罵「點解啲人咁變態」、「睇到都痛」、「係咪有病」、「咁嘅事都做得出，正人渣」之外，也關注九巴方面有否報警，並認為要捉拿放鐵針的人。ezone.hk 就此事聯絡九巴傳訊及公共事務部副主管林子豪，希望了解事件最新情況，林子豪回覆謂：「已報警，正收集詳情，一有就告訴你」。
九巴已公布，將於今天下午 4 時 30 分召開記者會，交代今次事件，如事件有最新發展，ezone.hk 定為大家跟進。大家乘坐巴士時，記緊檢查座位，確認沒有異物才好坐下，避免受傷。
Source: Lala Siu @ 香港交通突發報料區 Facebook